2024 წლის მედიის თავისუფლების ინდექსში სამხრეთ კავკასიაში სომხეთი ლიდერობს, საქართველომ და აზერბაიჯანმა პოზიციები გააუარესეს
უფლებადამცველმა ორგანიზაციამ „რეპორტიორები საზღვრებს გარეშე“ (RSF) გამოაქვეყნა ანგარიში „მედიის თავისუფლების ინდექსი 2024“, რომელშიც 180 ქვეყანა იყო მორთული.
სომხეთმა რეიტინგში პოზიცია გაიუმჯობესა და 49-დან 43-ე ადგილზე ავიდა.
თუმცა, RSF აღნიშნავს, რომ პლურალისტური გარემოს მიუხედავად, მედია კვლავ პოლარიზებულია. ქვეყანა დეზინფორმაციისა და სიძულვილის ენის უპრეცედენტო დონის წინაშე დგას.
აზერბაიჯანმა თავისი პოზიცია გააუარესა და 151-დან 164-ე ადგილზე გადაინაცვლა.
„მიუხედავად იმისა, რომ პრეზიდენტმა ილჰამ ალიევმა უკვე გაანადგურა პლურალიზმის ნებისმიერი სახე, 2014 წლიდან მან დაუნდობელი ომი აწარმოა ყველა დარჩენილი კრიტიკოსის წინააღმდეგ“, აღნიშნავს RSF.
საქართველომ ასევე გააუარესა თავისი პოზიცია 77-დან 103-ე ადგილზე გადაინაცვლა.
„ოფიციალური ჩარევა ძირს უთხრის მედიის თავისუფლების გაუმჯობესების მცდელობებს. გარემო რჩება მტრულად განწყობილი დამოუკიდებელი და ოპოზიციური მედიის მიმართ, იზრდება სიტყვიერი და ფიზიკური თავდასხმები ჟურნალისტებზე. მიიღეს კანონები, რომლებიც მიზნად ისახავს დამოუკიდებელი მედიის მარგინალიზებას და სიტყვის თავისუფლების სივრცის შემცირებას“, – ნათქვამია ანგარიშში.
