ყველაზე სარგებლიანი “თბილისი-ერევანი-მოსკოვი” ტრანზიტია. “საქართველოს ავიახაზები”
საქართველოს ეროვნული ავიაკომპანია “საქართველოს ავიახაზები” ქართულ-რუსული პირდაპირი რეისების აკრძალვის პირობებში სომხური მხარესთან დაწყებული თანამშრომლობით კმაყოფილია “ალიქ მედია”–ს აუწყა კომპანიის აღმასრულებელმა დირექტორმა რომან ბოკერიამ. მან აღნიშნა, რომ სომხურ მხარესთან ერევნით საქართველოსა და რუსეთის მიმართულებით უკვე რამოდენიმე დღეა ორგანიზებულ იქნა კომფორტული და უსაფრთხო რეისები.
8 ივლისიდან, როდესაც ძალაში შევიდა კრემლის გადაწყვეტილება საქართველოს მიმართულებით რუსეთის ავიაკომპანიების რეისების აკრძალვის შესახებ, საქართველოს ძირითადმა გადამზიდველმა დაიწყო ალტერნატიული მარშრუტის გამოყენება თბილისი-ერევანი-მოსკოვის, მოსკოვი–ერევანი-თბილისის მიმართულებით. კომპანიის ადმინისტრაციის მიხედვით, ეს თუმცა საზიანოა ავიაკომპანიისთვის, მაგრამ, თუ კომპანია არ გადადგამდა ამ ნაბიჯებს, მაშინ უფრო საზიანო იქნებოდა სახელმწიფოსთვის.
დაჯავშნილი ბილეთის 30% უკვე გაუქმდა. მთავარი მიზეზი არის მგზავრთა შიში, რომ საქართველო მათთვის უსაფრთხო არაა. დარჩენილი 70 პროცენტისთვის კი, კომპანიის დირექტორის მოადგილე თამუნა Tთანდაშვილის მიხედვით, ყველაზე მომგებიანი თბილისი-ერევანი-მოსკოვის ტრანზიტია. შეირჩევა საუკეთესო პირობები. ფრენის საათები მოსახერხებელია და ტვირთის და მგზავრების გადაადგილება არ მოხდება.
“ჩვენი კომპანია ხიდი იყო რუსეთსა და საქართველოს შორის ურთიერთობებში, ხალხებს შორის კავშირის გაძლიერებით მგზავრების ყოველდღიური გადაყვანით. ახლა, ამ ხიდს განადგურების საფრთხე ემუქრება, მაგრამ ჩვენ ორმა ხალხმა, ხელისუფლებასთან ერთად ყველაფერი უნდა გავაკეთოთ იმისათვის, რომ არ დავუშვათ მესამე ძალამ შეარყიოს ქართველ და რუს ხალხებს შორის მეგობრული ურთიერთობები”, – განაცხადა “საქართველოს ავიახაზები”-ს აღმასრულებელმა დირექტორმა რომან ბოკერიამ.
იგი აღნიშნავს, რომ არსებობს მოთხოვნა მომსახურებაზე, რუსეთის მოქალაქეებს სურთ საქართველოში ჩამოსვლა, საქართველოს მოქალაქეებს კი სურთ რუსეთში გამგზავრება. თბილისი-ერევანი-მოსკოვის ტრანზიტი იმუშავებს მანამ, სანამ არ აღდგება პირდაპირი რეისები რუსეთსა და საქართველოს შორის.
ჩვენ სომეხ პარტნიორებს ვთავაზობთ ყველაზე უსაფრთხო და კომფორტულ რეისებს საქართველოსა და რუსეთში, ერევნის, სომხეთის გავლით.
“სომხურ მხარესთან შესანიშნავად ვთანამშრომლობთ. ჩვენი უახლოესი, ძმური ერია. მადლიერნი ვართ, რომ ამ მომენტში გვეხმარება ჩვენ, რომ უზრუნველვყოთ ჩვენი მგზავრების ტრანზიტი სომხეთის გავლით”, –განაცხადა ბოკერიამ.
