ატომური ენერგიის საერთაშორისო სააგენტოს ექსპერტთა ჯგუფი ივნისში სომხეთში იმყოფებოდა. 17 ივნისს, მარეგულირებელი ორგანოს საქმიანობის მონიტორინგის ჯგუფმა დაასრულა 7-დღიანი აუდიტის მისია, რომლის მიზანი იყო განეხილა 2015 წელს IRRS მისიის მიერ მოწოდებული რეკომენდაციების და რჩევების განხორციელება.
აუდიტის მისია განხორციელდა სომხეთის მთავრობის მოწვევით.
IRRS მისიამ განაცხადა, რომ სომხეთმა გაამყარა თავისი მარეგულირებელი ინფრასტრუქტურა მიმდინარე გამოწვევების ფონზე.
ზოგადი წინასწარი შეფასება მიღებული იქნა ორი დღის წინ. სომხეთის რესპუბლიკის მთავრობასთან არსებული ბირთვული უსაფრთხოების მარეგულირებელი სახელმწიფო კომიტეტის თავმჯდომარემ აშოტ მარტიროსიანმა ყოველდღიურ გაზეთ “სომხეთის რესპუბლიკასთან” ინტერვიუში განაცხადა, რომ სომხეთის ბირთვული უსაფრთხოების რეიტინგი მაქსიმალური 4-დან 3.82-ს შეადგენს.
