სამუშაო ვიზიტით ყირგიზეთში მყოფი სომხეთის პრემიერ მინისტრი ნიკოლ ფაშინიანი დღეს შეხვდა რუსეთის ფედერაციის მთავრობის ხელმძღვანელ დიმიტრი მედვედევს.
სომხეთის პრემიერ მინისტრის აპარატის უწყებით, სომხეთისა და რუსეთის პრემიერ მინისტრებმა განიხილეს სომხეთ-რუსეთის სტრატეგიული ურთიერთობების ფართო სპექტრი, ისაუბრეს
სავაჭრო-ეკონომიკური ურთიერთობების შემდგომი განვითარების, სავაჭრო ბრუნვის გაზრდის, ერთობლივი პროექტების განხორციელების ირგვლივ. ნიკოლ ფაშინიანმა და დიმიტრი მედვედევმა განაცხადეს, რომ ორმხრივ ურთიერთობებში დინამიური ზრდაა და აქტიური მუშაობა უნდა გაგრძელდეს სომხეთ-რუსეთის მოკავშირეთა ურთიერთობების განმტკიცებისა და განვითარებისთვის. სომხეთისა და რუსეთის პრემიერ მინისტრები შეეხნენ თანამშრომლობის საკითხებს გაზის, ბირთვული ენერგიის, საჰაერო ტრანსპორტის სფეროში, ასევე განიხილეს ორმხრივ დღის წესრიგში არსებული რიგი სხვა საკითხები.
