ურუგვაის საგარეო საქმეთა მინისტრი როდოლფო ნინ ნოვა და სომხეთის რესპუბლიკის საგარეო საქმეთა მინისტრი ზოჰრაბ მნაცაკანიანი მთიანი ყარაბაღის კონფლიქტის მშვიდობიანი მოგვარების ალტერნატივას ვერ ხედავენ. ამის შესახებ მინისტრებმა განაცხადეს ერევანში გამართულ ერთობლივ პრესკონფერენციაზე.
”მე საშუალება მომეცა დეტალურად წარმოგიდგინოთ მთიანი ყარაბაღის კონფლიქტის მშვიდობიანი მოგვარების პროცესში სომხეთის მიდგომა, კიდევ ერთხელ ვადასტურებ რომ მთიანი ყარაბაღის მოსახლეობის უსაფრთხოება და მისგან გამომდინარე სტატუსის საკითხი ჩვენთვის კვლავ მთავარ პრიორიტეტად რჩება. მე აღვნიშნე, რომ პრობლემის მშვიდობიანი მოგვარების ალტერნატივა არ არსებობს. ”- თქვა მნაცაკიანმა.
ურუგვაის საგარეო საქმეთა მინისტრმა თავის მხრივ განაცხადა: ”ჩვენი ქვეყანა მხარს უჭერს იმ მოლაპარაკებებს, რომლებიც წარმოებული იყო 1995 წელს მინსკის ჯგუფის ფარგლებში, კონფლიქტის მოგვარება მიღებული მანდატის შესაბამისად, უნდა მიღწეული იქნეს გაეროს კონსტიტუციაში მოცემულ პრინციპებზე დაყრდნობით. ამ კონფლიქტის მშვიდობიანად მოგვარებას ალტერნატივა არ აქვს.
