პოლიტიკა

პარასკევს პარლამენტის შენობასთან უსაფრთხოების ზომები გაძლიერდება

საქართველოს პარლამეტის შენობაში და მის მიმდებარედ უსაფრთხოების ზომები დაანონსებული აქციის გამო გაძლიერდება.

,,სპუტნიკი საქართველოს“ ინფორმაციით, რუსთაველის გამზირზე დაანონსებული აქციიდან გამომდინარე, 20 სექტემბერს პარლამენტის შენობაში და ასევე მის მიმდებარედ უსაფრთხოების ზომები გაძლიერდება, იუწყება საქართველოს პარლამენტის პრეს-სამსახური

ამასთან, შეიზღუდება საკანონმდებლო ორგანოში მოქალაქეთა დაშვების რეჟიმიც.

„აღნიშნული ღონისძიების მიზანია შესაძლო პროვოკაციების პრევენცია და საქართველოს პარლამენტის წევრებისა და აპარატის თანამშრომლებისთვის სამუშაო პირობების უზრუნველყოფა“, — ნათქვამია პარლამენტის განცხადებაში. 

პარასკევს რუსთაველის გამზირზე, პარლამენტის შენობასთან მოძრაობა „სირცხვილიას“ საპროტესტო აქციები განახლდება, რომელიც თბილისში სამი თვეა მიმდინარეობს და რომლის მოთხოვნაც გიორგი გახარიას გადადგომა იყო.

ორგანიზატორთა ინფორმაციით, ხვალ აქციაზე ახალი მოთხოვნები იქნება წამოყენებული.

ნახეთ მეტი
Back to top button