პრემიერ- მინისტრ ნიკოლ ფაშინიანის მოწვევით, საქართველოს პრემიერ- მინისტრი გიორგი გახარია 15 ოქტომბერს ოფიციალური ვიზიტით ეწვევა სომხეთს. ამის შესახებ ინფორმაციას ავრცელებს სრ პრემიერ-მინისტრის აპარატი.
ოფიციალური მისასალმებელი ცერემონიის შემდეგ, სომხეთისა და საქართველოს პრემიერ-მინისტრები გამართავენ ცალკე საუბარს, რასაც მოჰყვება გაფართოებული შეხვედრა, რის შემდეგაც ორი ქვეყნის პრემიერ- მინისტრები გააკეთებენ განცხადებებს, შეაჯამებენ მოლაპარაკებების შედეგებს მედიის წარმომადგენლებისთვის.
ვიზიტისფარგლებში გიორგი გახარია ასევე შეხვდება სომხეთის პრეზიდენტ არმენ სარგსიანს და სომხური სამოციქულო ეკლესიის პატრიარქს გარეგინ მეორეს.
საქართველოს პრემიერ-მინისტრი ეწვევა წიწერნაკაბერდის მემორიალურ კომპლექსს, სადაც პატივს მიაგებს სომეხთა გენოციდის მსხვერპლთა ხსოვნას.
გახარიას რეგიონალური ტური 9 ოქტომბერს აზერბაიჯანიდან დაიწყო.სომხეთში ვიზიტის შემდეგ საქართველოს პრემიერ-მინისტრი ეწვევა თურქეთს. გიორგი გახარია 2017 წელს ეწვია ერევანს, როგორც საქართველოს ეკონომიკის მინისტრი, ხოლო 2018 წელს – შინაგან საქმეთა სამინისტროს ხელმძღვანელი.
