2019 წელს სომხეთი აღიარებულ იქნა ევრაზიის ლიდერად, ონლაინ თავისუფლების სფეროში. ამის დასტურია Freedom House-ის ადამიანის უფლებების შესახებ 2019 წლის ანგარიში.
მსოფლიო დონეზე, სომხეთი მე -8 ადგილზეა ონლაინ თავისუფლების სფეროში, შეერთებული შტატების შემდეგ, საფრანგეთის წინ. ონლაინ სივრცის თავისუფლების თვალსაზრისით, სომხეთის რესპუბლიკამ გაუსწრო არა მხოლოდ ყველა მეზობელს, არამედ ონლაინ სფეროს ლიდერ იაპონიას და სამხრეთ კორეას. ამის შესახებ ინფორმაციას ავრცელებს ამერიკის ხმა.
ონლაინ თავისუფლების სამი ძირითადი კრიტერიუმი არსებობს: ონლაინ წვდომის უფლების შეზღუდვები, ონლაინ შინაარსის შეზღუდვა და ონლაინ უფლებების დარღვევა, მათ შორის პირთა ონლაინ – საქმიანობაზე დაკვირვება ან ამგვარი საქმიანობის შედეგად სისხლისსამართლებრივი და სხვა დევნა.
სომხეთი, არგენტინასთან, კანადასთან, ესტონეთთან და ისლანდიასთან ერთად, აღმოჩნდა მსოფლიოს 5 უნიკალური ქვეყნის სიაში, რომელთა მთავრობებმა არ გადადგეს ნაბიჯები ონლაინ სექტორის შეზღუდვის მიმართულებით.
