საზოგადოება

ბურჯანაძის პარტიის პრესსამსახურმა მოსკოვში ვიზიტის მიზნების შესახებ ისაუბრა

მოსკოვში მიმდინარე ყველა შეხვედრაზე ნინო ბურჯანაძე განიხილავს ექიმ ვაჟა გაფრინდაშვილის გათავისუფლების პრობლემას, ნათქვამია პარტია „დემოკრატიული მოძრაობა – ერთიანი საქართველოს“ პრესსამსახურის განცხადებაში.

„ნინო ბურჯანაძემ, ყველა შეხვედრაზე თხოვნით მიმართა რუსეთის ხელისუფლების წარმომადგენლებს, რომ მაქსიმალურად ხელი შეუწყონ ვაჟა გაფრინდაშვილის სწრაფად განთავისუფლებას. ნინო ბურჯანაძე აცხადებს რომ, ძალიან იმედიანად არის განწყობილი, ვინაიდან ამ შეხვედრებზე ნათლად გამოჩნდა რუსეთის მხარის მზაობა ხელი შეუწყონ ვაჟა გაფრინდაშვილის სწრაფად განთავისუფლების პროცესს“, – ნათქვამია განცხადებაში.

პრეს-სამსახურში ხაზს უსვამს, რომ შეხვედრებზე აღინიშნა, რომ საქართველოში მიმდინარე პოლიტიკური კრიზისი არის მხოლოდ საქართველოს საშინაო საქმე, რომელშიც რუსეთი არავითარ შემთხვევაში არ ჩაერევა.

ნინო ბურჯანაძე 3 დეკემბერს გაემგზავრა მოსკოვში ხუთდღიანი სამუშაო ვიზიტით ვაჟთან, ანზორ ბიწაძესთან ერთად, რომელიც მისი პარტიის მმართველობის წევრია.

უკვე შედგა შეხვედრები რუსეთის საგარეო საქმეთა სამინისტროში და ფედერაციის საბჭოში. დაგეგმილია მოლაპარაკებები სახელმწიფო სათათბიროში და სხვა შეხვედრები აღმასრულებელი და საკანონმდებლო ხელისუფლების ორგანოებში.

ამის შესახებ წერს „სპუტნიკი-საქართველო“.

ნახეთ მეტი
Back to top button
Close