სომხეთში საინჟინრო ქალაქის მშენებლობა 2020 წელს დაიწყება. ამის შესახებსომხეთის მაღალტექნოლოგიური ინდუსტრიის მინისტრმა, ჰაკობ არშაკიანმა განაცხადა ყოველწლიურ პრესკონფერენციაზე.
არშაკიანის განცხადებით, ეროვნული საწარმოს ფონდი დარეგისტრირდება მეორე კვარტალში, ხოლო 2020 წლისთვის შესაძლებელი იქნება მინიმუმ 5 მილიონი დოლარის ინვესტიციის ჩადება ტექნოლოგიაში.
ინჟინერიის ქალაქი იქმნება საჯარო-კერძო პარტნიორობის ფარგლებში. პროგრამა ითვალისწინებს ამ სფეროში 1500 მაღალკვალიფიციური სპეციალისტის ტრენინგსა და გადამზადებას, ახალი სამუშაო ადგილების შექმნას. პროექტი განხორციელდება ერევანში.
