სრ ეკონომიკის მინისტრი ტიგრან ხაჩატრიანი ირწმუნება, რომ 2020 წლისთვის ეკონომიკური რეფორმები უფრო ხელშესახები იქნება, მათი შედეგები კი უფრო შესამჩნევი. ამის შესახებ მინისტრმა აღნიშნა სომხეთის მთავრობის ოფიციალურ ფეისბუქ გვერდზე განთავსებულ შემაჯამებელ ვიდეოში.
”2020 წ. ჩვენ ვხვდებით იმ რწმენით, რომ ბიზნესი დღეს მოქმედებს თავისუფალი, სამართლიანი კონკურენციის და თანასწორობის პირობებში. ეს არის მეწარმეობის განვითარების შეუქცევადი გარანტია ახალ სომხეთში, სადაც ბიზნეს გეგმის მქონე ყველა ადამიანს აქვს შესაძლებლობა დაუთრგუნავად განახორციელოს საკუთარი იდეა”,- აღნიშნა მინისტრმა.
ტიგრან ხაჩატრიანმა ასევე ისაუბრა წლის განმავლობაში მრავალი ავტორიტეტული საერთაშორისო ორგანიზაციის მიერ სომხეთის ეკონომიკური მაჩვენებლების შეფასების გაუმჯობესებაზე, აღნიშნა, რომ ეს ოპტიმისტური იმპულსი გადადის კერძო სექტორზე.
”ამის დადასტურებაა ეკონომიკური ზრდა, რომელიც აღემატება 7% -ს წელიწადში, რაც ევრაზიის ეკონომიკური კავშირის წევრ ქვეყნებს შორის მოწინავეა. ამ წელს ჩვენ ვიხილეთ ბიზნეს პროგრამებისთვის მთავრობის მხარდაჭერის მოცულობის მნიშვნელოვანი ზრდა, რის შედეგადაც შეიქმნა ახალი ან გაფართოვდა წარმოება სხვადასხვა მიმართულებით”,- ხაზი გაუსვა ხაჩატრიანმა.
