პარიზი სომხეთის და პოსტ-საბჭოთა კავშირის ქვეყნების ევროკავშირში შესვლის წინააღმდეგია

საფრანგეთის ხელისუფლებამ ევროკავშირის წრეებში განიხილა ის საკითხი, რომ ,,აღმოსავლეთ პარტნიორობის“ პროგრამაში გაწევრიანება არ უნდა ნიშნავდეს ევროკავშირის შემდგომი წევრობის შესაძლებლობას.

ამ შეფასებების შესაბამისი დოკუმენტები აღნიშნული პროექტის შემდგომი პერსპექტივების განხილვის ფარგლებში საფრანგეთის მხრივ ევროკავშირის ხელმძღვანელობას გაეგზავნა 2019 წლის ოქტომბერში და 2020 წლის იანვარში. ამ საკითხთან დაკავშირებით კონსულტაციები წამოიწყო ევროკომისიამ, ,,აღმოსავლეთ პარტნიორობის“ შემდგომი განვითარების შესახებ მოხსენების მომზადების პერიოდში, რომელიც გამოქვეყნდება 2020 წლის მარტამდე.

,,აღმოსავლეთ პარტნიორობის შეფასებით, საფრანგეთის მოხსენებების შინაარსის შესახებ იუწყება აშშ-ის კონგრესის მიერ დაფინანსებული ,,რადიო თავისუფლება“. როგორც ციტირებს ,,რადიო თავისუფლება“, საფრანგეთის ხელისუფლების საკონსულტაციო დასკვნებში, ეწინააღმდეგებიან პროექტის მონაწილეობის საფუძველზე ,,აღმოსავლეთ პარტნიორობის“ ქვეყნების ევროკავშირის გაწევრიანობის შესაძლებლობას.

,,აღმოსავლეთ პარტნიორობის“ პროექტი შეიქმნა ევროკავშირის ხელისუფლების მიერ 2009 წლის მაისში. პროგრამაში მონაწილეობენ აზერბაიჯანი, სომხეთი, ბელორუსია, საქართველო, მოლდოვა და უკრაინა. ,,აღმოსავლეთ პარტნიორობის“ მიზნად წინასწარ გამოცხადდა ქვეყნებში რეფორმების განხორციელება ევროკავშირთან მჭიდრო თანამშრომლობის სანაცვლოდ.

,,რადიო თავისუფლებასთან“ ინტერვიუში ევროკავშირის ერთ-ერთი ქვეყნის ანონიმურმა დიპლომატმა განაცხადა, რომ საფრანგეთს “არ სურს ისეთი რამის გაკეთება, რამაც შეიძლება მოსკოვის იმედგაცრუება გამოიწვიოს”. ამავდროულად, ოფიციალურმა პირმა აღნიშნა, რომ ბრიტანეთის ევროკავშირიდან გამოსვლის შემდეგ, “საფრანგეთი იქნება ყველაზე დიდი მოთამაშე საგარეო პოლიტიკაში, ამიტომ საფრანგეთის ხელისუფლებას დიდი გავლენა ექნება ასეთ საკითხებზე.”