უმაღლესი კომისარი ზარეჰ მინასიანი საქართველოში სამუშაო ვიზიტის პირველი დღის განმავლობაში ეწვია თბილისში, წმინდა გევორგის სომხურ ეკლესიას და შეხვდა საქართველოში სომეხთა სამოციქულო ეკლესიის ეპარქიის წინამძღვარს, მეუფე კირაკოს დავთიანს, ამის შესახებ ცნობას ავრცელებს კომისრის ოფისი.
შემდეგ კომისარმა მოინახულა ოვანეს თუმანიანის სახლების სამეცნიერო-კულტურული ცენტრი და თბილისის პეტროსი ადამიანის სახელობის სომხური სახელმწიფო დრამატული თეატრის სამშენებლო მოედანი. შენობის ექსპლუატაცია იგეგმება მიმდინარე წლის ნოემბერში. სიტყვით გამოსვლისას, უმაღლესმა კომისარმა აღნიშნა, რომ მოხარულია, რომ სომხური საზოგადოება ცხოვრობს სრულყოფილი ცხოვრებით, მოწყვეტილი არ არის მის ისტორიას, კულტურას, ხელოვნებას. მისი ვიზიტის მიზანია გაეცნოს პრობლემებს და გააცნობიეროს, თუ რითაა შესაძლებელი კომისარის აპარატი დაეხმაროს მათ გადაჭრაში. ზარეჰ მინასიანი ასევე იმყოფებოდა სომეხი მწერლებისა და საზოგადო მოღვაწეების ხოჯავანქის პანთეონში, გარი დავთიანის „თოჯინების სახლში“ და ნერსისანის სკოლაში.
