არმენპრესი: რუსი დიპლომატების პროფესიულ დღესთან დაკავშირებით, 10 თებერვალს, სომხეთში რუსეთის საელჩოს თანამშრომლებმა, ელჩ სერგეი კოპირკინის ხელმძღვანელობით, ყვავილების გვირგვინით შეამკეს სომეხი ხალხის დიდი მეგობრის, გამოჩენილი რუსი პოეტის და დიპლომატის ალექსანდრე გრიბოედოვის ქანდაკება.
სომხურ-რუსული ურთიერთობების შესახებ დღეს ჟურნალისტებთან საუბრისას ელჩმა სერგეი კოპირკინმა აღნიშნა, რომ სომხურ-რუსული ურთიერთობები მაღალ დონეზეა, იუწყება „არმენპრესი“.
”ეს სტატუსი კარგად არის ცნობილი: ჩვენ ვართ მოკავშირეები, სტრატეგიული პარტნიორები, ხოლო სომეხი და რუსი ხალხი ძმები არიან. ეს ყველაფერი ასევე აისახება ჩვენს დიპლომატიურ ურთიერთობებში, რომლებიც ინტენსიურ ხასიათს ატარებენ. ნამდვილად, ჩვენი დიპლომატიური ურთიერთობები მჭიდრო და უშუალოა”, – აღნიშნა კოპირკინმა.
საელჩოს თანამშრომლები და ელჩი აგრეთვე ეწვივნენ დედაქალაქის ცენტრალურ სასაფლაოს და ყვავილები დააწყვეს გამოჩენილი სომეხი დიპლომატების საფლავებზე, რომლებმაც დიდი წვლილი შეიტანეს დიპლომატიაში.
”ასეთი მდიდარი ისტორიით და ტრადიციებით, ვფიქრობ, რომ კარგი მოსაზრებით ჩვენ განწირულები ვართ მჭიდრო თანამშრომლობისთვის, განსაკუთრებით იმის გათვალისწინებით, რომ ჩვენ გვაქვს მრავალი საერთო საკითხი და ინტერესი. სომეხი და რუსი დიპლომატები ამ რთულ სამყაროში ძირითად საკითხებში ერთი და იგივე წინა პლანზე დგანან. ეს ძალზე მნიშვნელოვანია და რუსეთი აფასებს ამას”, – დაასკვნა კოპირკინმა.
