არმენ გრიგორიანი საქართველოსთან საზღვრის დაკეტვის საჭიროებას ვერ ხედავს

სომხეთის რესპუბლიკის უსაფრთხოების საბჭოს მდივანი არმენ გრიგორიანი კორონავირუსის გავრცელების თავიდან ასაცილებლად ვერ ხედავს საქართველოსთან საზღვრის დახურვის აუცილებლობას.  “არმენპრეს” – თან საუბარში მან უპასუხა კითხვას:  შეიძლება თუ არა განხილული იყოს საქართველოსთან საზღვრის დახურვის საკითხი, როგორც კორონავირუსის გავრცელების თავიდან აცილების მცდელობების ნაწილი? მან უპასუხა:  საჭიროების შემთხვევაში, განიხილება. ამ დროისთვის ამის საჭიროება არ არის.

კითხვაზე, ირანთან და საქართველოსთან საზღვრის დახურვა შექმნის თუ არა  სერიოზულ  პრობლემას  ეროვნული უსაფრთხოებისთვის? უსაფრთხოების საბჭოს მდივანმა უპასუხა:

„ჩვენ ჯერ არ მივსულვართ ამ სიტუაციამდე. უსაფრთხოების თვალსაზრისით ჩვენ განვიხილავთ ამ საკითხს, საჭიროების შემთხვევაში – დავხურავთ, თუ არ იქნა ამის აუცილებლობა –  არ დავხურავთ“.  

25 თებერვალს, ძალაში შევიდა სომხეთის მთავრობის გადაწყვეტილება, რომ დროებით შეზღუდულიყო კომუნიკაცია ირანის ისლამურ რესპუბლიკასთან.

შესაბამისად, ირანის ისლამურ რესპუბლიკასთან სახმელეთო და საჰაერო კომუნიკაცია შეიზღუდა ორი კვირის  ვადით დაშვებულია მხოლოდ

1) სახმელეთო  ტრანსპორტის შემთხვევაში:  

ა. სატვირთო მანქანების შესვლა ირანის ისლამური რესპუბლიკიდან სომხეთის რესპუბლიკაში. დაიშვება მხოლოდ სატრანსპორტო საშუალების მძღოლი და ერთი დამხმარე  მძღოლი;

ბ. ირანის ისლამური რესპუბლიკის მოქალაქეების დაბრუნება სომხეთის რესპუბლიკიდან ირანის ისლამურ რესპუბლიკაში;

გ. სომხეთის რესპუბლიკის მოქალაქეების დაბრუნება ირანის ისლამური რესპუბლიკიდან სომხეთის რესპუბლიკაში;

დ. ირანის ისლამური რესპუბლიკის ოფიციალური პირების შემოსვლა, რომლებიც სომხეთის რესპუბლიკაში იმყოფებიან ირანის  ოფიციალური ვიზიტით და მათი თანმხლები პირები;

ე. დიპლომატიური წარმომადგენლობების და მათი ოჯახის წევრების როგორც შესვლა , ასევე გასვლა ირანის ისლამურ რესპუბლიკასა და სომხეთის რესპუბლიკაში;

(2) საჰაერო კომუნიკაციის შემთხვევაში, ამ გადაწყვეტილების პირველი პუნქტის „ბ“ ქვეპუნქტით „ე“ ქვეპუნქტით გათვალისწინებული პირების შემოსვლა (დაბრუნება).