პრემიერ-მინისტრი ნიკოლ ფაშინიანი შეხვდა ევროკომისიის ვიცე-პრეზიდენტს, ევროკავშირის საგარეო საქმეთა და უსაფრთხოების პოლიტიკის მაღალ წარმომადგენელს ჟოზეფ ბორელს.
შეხვედრაზე საუბარი შეეხო სომხეთ-ევროკავშირის ურთიერთობების ინტენსიურ განვითარებას და განიხილეს სომხეთის სხვადასხვა სფეროებში რეფორმების შემდგომი მხარდაჭერის საკითხები. ჟოზეფ ბორელმა კიდევ ერთხელ დაადასტურა ევროკავშირის მზადყოფნა რეფორმების მხარდასაჭერად. ბორელი მიესალმა სომხეთში განვითარებულ მოვლენებს კორუფციის წინააღმდეგ ბრძოლაში, სასამართლო და სხვა სფეროებში და სომხეთის მთავრობის მიერ ამ მიმართულებით გადადგმულ მყარ და თანმიმდევრულ ნაბიჯებს.
როგორც სომხეთ-ევროკავშირის თანამშრომლობის მნიშვნელოვანი კომპონენტი, სომხეთის პრემიერ-მინისტრმა და ჟოზეფ ბორელმა საჭიროდ მიიჩნიეს ევროკავშირის ქვეყნების მხრივ ყოვლისმომცველი და გაფართოებული პარტნიორობის ხელშეკრულების რატიფიკაციის რაც შეიძლება მალე და სრულად განხორციელება.
მხარეებმა ასევე ისაუბრეს სომხეთსა და ევროკავშირს შორის ვიზების ლიბერალიზაციის შესახებ დიალოგის დაწყების შესაძლებლობებზე.
ასევე მოსაზრებები გაცვალეს მთიანი ყარაბაღის კონფლიქტის მოლაპარაკების პროცესთან დაკავშირებით. ჟოზეფ ბორელმა კიდევ ერთხელ დაადასტურა ევროკავშირის მხარდაჭერა კონფლიქტის მშვიდობიანი გზით მოგვარებაში.
