ახალი ამბები-სომხეთი. 16 მარტის ჩათვლით, კორონავირუსის საფრთხის გამო, 16 მარტიდან საქართველოსა და რუსეთის ფედერაციას შორის მოქალაქეთა გადაადგილება დროებით შეჩერდება.
საქართველოს პრემიერ-მინისტრის პრესსამსახურის ინფორმაციით, საკითხი გიორგი გახარიას დავალებით, პრემიერის სპეციალურმა წარმომადგენელმა რუსეთის ფედერაციასთან ურთიერთობის საკითხებში, ზურაბ აბაშიძემ და რუსეთის ფედერალური სათათბიროს ფედერალური საბჭოს წევრმა, გრიგორი კარასინმა ტელეფონით განიხილეს საქართველოსა და რუსეთის ფედერაციას შორის მოქალაქეთა გადაადგილების დროებითი შეჩერება.
კორონავირუსის საფრთხის გავრცელების გათვალისწინებით, საუბრის დროს განხილულ იქნა საკითხი მიმდინარე წლის 16 მარტიდან საქართველოსა და რუსეთის ფედერაციას შორის მოქალაქეთა გადაადგილების დროებით შეჩერების შესახებ.
აღინიშნა, რომ ეს გადაწყვეტილება არ გავრცელდება შესაბამისად რუსეთის ფედერაციისა და საქართველოს იმ მოქალაქეებზე, რომლებიც გამოთქვამენ საკუთარ ქვეყანაში დაბრუნების სურვილს.
შეზღუდვები არ გავრცელდება სატვირთო გადაზიდვებზე“, – აღნიშნულია ინფორმაციაში.
უფრო ადრე, სომხეთმა და საქართველომ მიიღეს ანალოგიური გადაწყვეტილება ორ ქვეყანას შორის მოქალაქეების ურთიერმიმოსვლის დროებითი შეჩერების შესახებ. აკრძალვა არ ვრცელდება ტვირთზე.
