News.am-ის ინფორმაციით, კორონავირუსით დაინფიცირებულ ნახევარზე მეტ ადამიანთა ორგანიზმში განკურნების შემდეგ COVID-19 ვირუსი 1-8 დღის განმავლობაში რჩება, ყველა სიმპტომის გაქრობის შემდეგაც კი. ეს არის მეცნიერთა საერთაშორისო ჯგუფის დასკვნა, რომლებმაც ჩაატარეს გამოკვლევა პეკინის სამედიცინო ცენტრში. კვლევის შედეგები გამოქვეყნდა ATSJournals– ში.
ექსპერტებმა გაანალიზეს 16 პაციენტის მონაცემები, რომელთა საშუალო ასაკი 35.5 იყო. ისინი კორონავირუსს მკურნალობდნენ 28 იანვრიდან 9 თებერვლის ჩათვლით, ყველა გამოჯანმრთელდა, ხოლო მათი ტესტის შედეგები უარყოფითი იყო. თავდაპირველად, ვირუსული სტატუსი დადასტურდა ორი შემდგომი ტესტით, პოლიმერაზული ჯაჭვური რეაქციის (PCR) მეთოდით.
თითოეულის დაავადება სხვადასხვა ხარისხის სიმძიმით მიმდინარეობდა, აღნიშნა კვლევის მონაწილემ, პულმოლოგმა ლოკეშ შარმამ. ინკუბაციური პერიოდი საშუალოდ ხუთი დღე გაგრძელდა, ყველასთან აღინიშნებოდა მაღალი სიცხე, ხველა, ყელის ტკივილი და სუნთქვის შეკავება. ეს სიმპტომები საშუალოდ 8 დღის განმავლობაში გაგრძელდა, მაგრამ პაციენტთა ნახევარს დადებითი ტესტირება ჰქონდა ვირუსზე სიმპტომების გაქრობის შემდეგაც კი.
მეცნიერები თვლიან, რომ აუცილებელია კორონავირუსით განკურნებული პაციენტების კარანტინის პერიოდის გახანგრძლივება 1-2 კვირის განმავლობაში.
