ექიმი საქართველოდან და მისი მეუღლე მედდა ამ ცოტა ხნის წინ დაქორწინდნენ და იმის ნაცვლად, რომ სიამოვნებით გაატარონ თაფლობის თვე, ისინი მოხალისედ დარეგისტრირდნენ და ჩვენს თანამემამულეებს ეხმარებიან COVID-19- ს დაძლევაში.
ერევანი, 17 აპრილი – Sputnik. სრ ჯანდაცვის სამინისტროს დსს ,,ფსიქიკური ჯანმრთელობის ეროვნული ცენტრის“ ყოფილმა დირექტორმა ნარეკ ვანესიანმა ფეისბუქის საკუთარ გვერდზე განათავსა მშვენიერი ფოტო, რომელზეც აღბეჭდილია ექიმი საქართველოდან და მისი მეუღლე მედდა. ისინი ცოტა ხნის წინ დაქორწინდნენ, მაგრამ თავიანთ თაფლობის თვეს ატარებენ COVID-19 პოზიტიურ ასიმპტომურ იზოლატორში, რათა დაეხმარონ ჩვენს თანამემამულეებს.
„საღამოს შემოწმებები ერევნის საკარანტინო კანცელარიის სავალდებულო პროცესთაგანია. დღეს შემოწმების დროს, მსგავსი სურათი დავინახე COVID-19 პოზიტიურ ასიმპტომურ იზოლატორში. ამ სურათზე აღბეჭდილია წმინდა გრიგორ განმანათლებლის სამედიცინო ცენტრის სამედიცინო პერსონალი – ქართველი-ექიმი გიორგი ქანთარია და მისი მეუღლე, პროფესიით მედდა. ვამაყობ ჩვენი მოხალისეებით … ”, – დაწერა ვანესიანმა.
უნდა აღინიშნოს, რომ ამ დროის განმავლობაში ვანესიანი ძალიან აქტიურია სოციალურ ქსელებში. მანამდე მან შემაშფოთებელი ფოტო გამოაქვეყნა თავის დიდი ხნის მეგობარ ექიმისა და ექიმის ქალიშვილის მონაწილეობით.
კადრებში ნაჩვენებია მამა და ქალიშვილი, რომლებიც ერთმანეთს მინის სხვადასხვა მხრიდან უყურებდნენ.
შეგახსენებთ, რომ დღეს სომხეთში კორონავირუსით ინფიცირებულთა რიცხვი 1201 გახდა. ბოლო მონაცემებით, უკვე გამოჯანმრთელდა 402 ადამიანი, რეალურად მკურნალობენ 780, ხოლო დაღუპულთა რიცხვი გაიზარდა ერთით, გახდა 19. სომხეთში კორონავირუსის ტესტი 10793 ადამიანმა ჩააბარა.
