როგორც რუსეთის პრეზიდენტის სპიკერმა დიმიტრი პესკოვმა თქვა, გაეროს უშიშროების საბჭოს მუდმივი წევრები კორონავირუსთან დაკავშირებით ამზადებენ დოკუმენტს ცეცხლის საყოველთაო შეწყვეტის შესახებ, იტყობინება Gazeta.Ru.
დოკუმენტის ინციატორია საფრანგეთის პრეზიდენტი ემანუელ მაკრონი, რომელიც ესაუბრა თავის რუს კოლეგას ვლადიმერ პუტინს. ამჟამად ტექსტი მუშავდება მთელი მსოფლიოს დიპლომატების მიერ.
”მიმდინარეობს მუშაობა შესაძლო ერთობლივი დოკუმენტის შეთანხმების ირგვლივ“, – თქვა პესკოვმა.
მისი თქმით, დოკუმენტის რატიფიცირება შეიძლება მოხდეს უახლოეს მომავალში.
