როგორ მოახერხა საქართველომ ეკლესიასთან შეთანხმების მიღწევის გარეშე დაერეგისტრირებინა დაინფიცირების დაბალი დონე კავკასიაში
Armtimes.com.
საქართველო შიშობდა, რომ აღდგომის შემდეგ ქვეყანაში კორონავირუსის გამოვლენის დიდი ტალღა დაფიქსირდებოდა. ეკლესიამ უარი თქვა მთავრობის მიერ შემოთავაზებული უსაფრთხოების ზომების მიღებაზე, მაგრამ ხელისუფლებამ იპოვა გზა მოქალაქეების მასობრივი დაინფიცირების თავიდან ასაცილებლად.
საქართველოში რეკორდულად დაბალია SARS-CoV-2 კორონავირუსით დაინფიცირების შემთხვევები. 5 მაისის მდგომარეობით, ქვეყანაში მხოლოდ 604 ინფიცირებულია, 9 ადამიანი დაიღუპა, მაშინ როცა მოსახლეობა 3,7 მილიონია. ექსპერტები კორონავირუსის გავრცელების თავიდან აცილების მიმართულებით, საქართველოს მთავრობის მცდელობებზე, მიუთითებენ როგორც აქტიური რეაგირების მაგალითს.
ნულოვანი პაციენტის აღმოჩენისთანავე, საქართველომ თებერვლის ბოლოს დაიწყო ფრენების გაუქმება და მისი საზღვრების დახურვა. სკოლები, კულტურული ცენტრები და სათხილამურო კურორტები მარტის დასაწყისში დაიხურა. მარტის შუა რიცხვებში, სასტუმროებისა და რესტორნების უმეტესობა დაიხურა და ყველა მნიშვნელოვანი ღონისძიება განუსაზღვრელი ვადით გადაიდო. საქართველოში ყველაზე შემაშფოთებელი დღესასწაული იყო აღდგომის დღესასწაული, რომელიც ქვეყანაში აღნიშნეს მიმდინარე წლის 19 აპრილს. ეკლესია ჯარის შემდეგ საქართველოში მეორე უდიდესი სტრუქტურაა, რომელსაც უპირობოდ ენდობა მოსახლეობა და მთავრობის მოქმედებებზე იყო დამოკიდებული, ეკლესია გადაწყვეტილებას მიიღებდა რელიგიის თუ ექიმების სასარგებლოდ.
აღსანიშნავია, რომ აღდგომის წინა დღეს საქართველოში კორონავირუსით დაინფიცირების 370 შემთხვევა და 3 გარდაცვალება აღინიშნა.
საქართველოში საგანგებო მდგომარეობა მიიღეს აღდგომამდე 20 დღით ადრე და დღემდე გრძელდება. მხოლოდ საკვები და მედიკამენტების შეძენა შეგიძლიათ. საზოგადოებრივი ტრანსპორტი არ მოქმედებს, ხოლო სამზე მეტის შეკრება აკრძალულია. აკრძალულია მაღაზიებში, აფთიაქებში და ბანკებში ნიღბების გარეშე შესვლა, პოლიციის ჯგუფები ყველგან აკვირდებიან.
ტრადიციული ქელეხის დროს ქვეყნის ერთ ნაწილში კორონავირუსული დაინფიცირების მასიური გავრცელება დაფიქსირდა, რის შემდეგაც ორი რაიონი მთლიანად დაიხურა. ხელისუფლება არ დაეთანხმა საპატრიარქოს და ინფექციის რისკის შესამცირებლად შესთავაზა გამოსავალი.
გიორგი გახარიას ორი ვარიანტი ჰქონდა: ან ეკლესიასთან ურთიერთობის დაზიანება, ან სხვა გზების პოვნა. გახარიას არ შეეძლო პირველ ვარიანტს მიბრუნებოდა, რადგან ეკლესიის პოზიციას შეუძლია გადამწყვეტი როლი ითამაშოს ოქტომბერში საქართველოში ჩატარებულ არჩევნებში.
ამ პირობებში, მთავრობამ გამოსავალი იპოვა, აიძულა ხალხს სახლში დარჩენა. აღდგომამდე ზუსტად ერთი კვირით ადრე, საქართველოს 4 ძირითადი ქალაქის გასასვლელი და შესასვლელი დაიხურა. ასევე დაიხურა სასაფლაოები, ასევე აიკრძალა ქალაქებში პირადი მანქანების მართვა 5 დღის განმავლობაში. სააღდგომო რიტუალში მონაწილეობის მისაღებად, მოქალაქეებს უწევდათ სახლში დარჩენა ან ეკლესიაში ფეხით მისვლა.
საქართველოს ჯანდაცვის მინისტრმა და პრემიერ-მინისტრმა ხალხს სახლში დარჩენისკენ მოუწოდეს, ხოლო დაავადებათა კონტროლის ცენტრის დირექტორის მოადგილემ მოუწოდა უფრო მკაცრი ზომების გაკეთება და თქვა, რომ თუ ხალხი ეკლესიაში წავა, კუბოების რაოდენობას ვერ დაითვლიან.
,,საერთაშორისო გამჭვირვალობის“ ქართული ფილიალის ხელმძღვანელმა ეკა გიგაურმა აღნიშნა, რომ საქართველოს ხელისუფლებას გაუმართლა, რადგან ხალხმა მოისმინა ექიმების მიმართვა და ძალიან ცოტა ადამიანი წავიდა ეკლესიაში. წელს ეკლესიაში მხოლოდ რამდენიმე ათეული მორწმუნე იყო. ეკლესიის მსახურმა თეოდორე გიგნაძემ ფეისბუქის საკუთარ გვერდზე საზოგადოებას მიმართა, სთხოვა მათ ეკლესიის მახლობლად ორგანიზება, დისტანციის შენარჩუნება, ნიღბების ტარება, აღნიშნეს, რომ წასვლა თუ არ წასვლა ყველას გადაწყვეტილებაა, ხოლო სახელმწიფოს მოსმენა ქრისტიანული მოვალეობაა.
სირთულე დაძლეულ იქნა, აფეთქების პიკის თავიდან აცილება მოხერხდა.
აღდგომიდან ათი დღის შემდეგ, საქართველოში კორონავირუსით 511 ადამიანი დაინფიცირდა და 6 გარდაიცვალა. ”სირთულე დაძლეულ იქნა, აფეთქების პიკის თავიდან აცილება მოხერხდა“,-აღნიშნა ჯანდაცვის მინისტრმა ეკატერინე ტიკარაძემ, არ დაელოდა რა ორკვირიანი საინკუბაციო პერიოდის დამთავრებას. ახლი ინფიცირების შემთხვევების საშუალო დღიური რიცხვი 25-ის ფარგლებში იყო, რაც იმას ნიშნავს, რომ მოწოდებები და შეზღუდვები დაეხმარა ინფექციის გავრცელების თავიდან აცილებას. გახარიამ უკვე გამოაცხადა კრიზისიდან გამოსვლის 4 ეტაპის შესახებ.
