რა როლი აქვს ზემო ლარსის გამშვებ პუნქტს?
ზემო ლარსი მნიშვნელოვანია არა მხოლოდ ეკონომიკური უსაფრთხოების თვალსაზრისით, არამედ ის არის ჩვენი მსოფლიოსთან დამაკავშირებელი მნიშვნელოვანი კარი.
ზემო ლარსში სრ ატაშეს არამ თანანიანის უფლებამოსილებები განსაზღვრა მთავრობამ: საერთო ვითარების შესწავლა, სამართლებრივი რეგულაციები, საჭიროების შემთხვევაში წინადადებების წარდგენა. მაგრამ, მხოლოდ სამართლებრივი რეგულაციები საკმარისი არ არის, უნდა მოხდეს მათი გამოყენება. ევრაზიის ეკონომიკური კავშირის ფარგლებში არსებობს მრავალტომიანი გადაწყვეტილებები, რომლებიც არეგულირებენ ბაზარს და მყისიერად შეუძლებელია ყველა საკითხის მოგვარება, ამბობს ატაშე არამ თანანიანი “რადიოლურის სასტუმრო დარბაზში”.
სრ წარმომადგენლის მნიშვნელობა ზემო ლარსში
ატაშეს დანიშვნით იქმნება პლატფორმა, სადაც საკითხები ერთიანდება, განიხილება და ტვირთგადამზიდველის სასარგებლოდ გადაიჭრება. ინტერაქტიული გზით პრობლემების უფრო სწრაფად გადაჭრის მიზნით, მომავალში შესაძლებელია თანამედროვე სისტემის შემუშავება.
“მწვანე ბილიკის” მნიშვნელობა ზემო ლარსში
საგუშაგოსთან არის 4 ხაზი – გასასვლელით და შესასვლელით, ასევე არის ცალკე ხაზი, რომელსაც აწერია ეაეკ. ხალხმა იცის, რომ არსებობს ასეთი გზა. ცხადია, ხარჯებია, არც ისე დიდი, რომელთა გადახდაზეც გადამზიდველები უარს არ ამბობენ. ისინი არ ხარჯავენ დროს და სწრაფად კვეთენ საზღვარს. ეს გზა უკვე მოქმედებს. სომხეთის ბაგრატაშენის საგუშაგოდან, მანქანები მოძრაობენ პოლიციის თანხლებით, სწრაფად გადიან საბაჟო პროცედურებს, კვეთენ საზღვარს.
”ჩვენ ასეთი მაგალითი გვქონდა. ერთი დღის განმავლობაში რამდენიმე ასეული სატვირთო მანქანა სწრაფად ჩავიდა რუსეთში. ეს არის რამდენიმე მანქანისთვის, არა ინდივიდუალური“, – განმარტავს ჩვენი წარმომადგენელი ლარსში.
ზემო ლარსი გუშინ და დღეს
დაპროექტების დროს, სასაზღვრო პუნქტის წინაშე დასმული ამოცანები სხვა იყო, რადგან სიტუაციაც სხვა იყო. წარსულში სასაზღვრო გამშვები პუნქტი ემსახურებოდა 200 სატვირთო მანქანას, 180 მსუბუქ მანქანას და 50 ავტობუსს. დღეს, ეპიდემიის ამ პირობებშიც კი, ოთხჯერ მეტი ტრანსპორტირება ხორციელდება, განსაკუთრებით ზაფხულში კი, მანქანების მოძრაობა ორმაგდება.
საგუშაგოს დახურვის ობიექტური და სუბიექტური მიზეზები
ერთ-ერთი ობიექტური მიზეზი არის ამინდი. ზამთარში გზა რეგულარულად იკეტება, ზვავის ჩამოსვლა ხდება. ამასთან, საქართველოს ხელისუფლება ასევე დაინტერესებულია გზის გახსნით და სწრაფად გაწმენდით, რადგან ეს მათი ჩრდილოეთი მონაკვეთია და მათი ტვირთისთვისაც მნიშვნელოვანია.
სუბიექტური მიზეზების გამო, რიგები შეიძლება გაგრძელდეს, საზღვრის გადაკვეთას დიდი დრო დასჭირდება. ამ გზით გადიან სხვადასხვა ქვეყნის მძღოლები და სხვადასხვა კულტურის მატარებლები. და სხვადასხვა წეს-ჩვეულებები ხვდებიან ერთმანეთს ლარსის გამშვებ პუნქტში, რაც ზოგჯერ არასწორი ინტერპრეტაციების მიზეზი ხდება.
არსებობს რაიმე კორუფციული სქემა?
”ისინი სხვადასხვა საკითხებით მომმართავენ, ჩივიან და მოუწოდებენ კიდეც. საჭირო ინფორმაცია გროვდება და მივდივარ მთავარ პრობლემასთან. ხალხი საათობით, დღეებით ელოდება, ნერვიულობს, ბრაზდება, ადანაშაულებს. აუცილებელია სიტუაციის გაგება, პრობლემების გადაჭრა”,- ამბობს არამ თანანიანი.
სიტუაცია ლარსში ტრაგიკული არაა. არსებულ პრობლემებს სრ წარმომადგენელი არ აძლევს “კორუფციის” ფორმულირებას, რადგან თითოეული შემთხვევა ხდება ცალკეული კვლევის საგანი.
”თავიდან, როდესაც ყველა საკითხის გარშემო მომმართვდნენ, მე ვთხოვე, ჩამოაყალიბონ კითხვა, თუნდაც თუ არის კორუფცია. ამ დროის განმავლობაში, კითხვების რაოდენობა 75 პროცენტით შემცირდა, რადგან წერილობითი ფორმულირება ნიშნავს პასუხისმგებლობას. ჩვენ ძალზე მჭიდროდ ვმუშაობთ სატვირთო გადამზიდავთან, პარტნიორული ურთიერთობებია, მნიშვნელოვანია, რომ ტვირთი ჩავიდეს სომხეთში”.
