სომხეთის რესპუბლიკის პრემიერ მინისტრი ნიკოლ ფაშინიანი და მისი ოჯახის წევრები, რომლებიც კორონავირუსით არიან დაავადებულნი თავს კარგად გრძნობენ, მათ მკვეთრად გამოხატული სიმპტომები არა აქვთ. ამის შესახებ ფაშინიანმა განაცხადა 2 ივნისის ბრიფინგზე.
”ჩვენ ვართ იზოლირებულნი პრემიერ მინისტრის რეზიდენციაში. ყველანი კარგად ვგრძნობთ თავს. ოჯახის ხუთი წევრიდან არც ერთს არ გვაქვს მკვეთრად გამოხატული სიმპტომი”, – განაცხადა პრემიერ მინისტრმა.
პაშინიანმა თქვა, რომ სამუშაო გრაფიკიდან ამოღებული იქნა მიღებები.
1 ივნისს, სომხეთის პრემიერ მინისტრმა ნიკოლ ფაშინიანმა „ფეისბუქის“ საკუთარ გვერდზე პირდაპირ ეთერში გამოაცხადა, რომ იგი და მისი ოჯახი დაავადდნენ კორონავირუსით – მათი ტესტის შედეგები დადებითია. პრემიერ მინისტრის ოჯახი იზოლირებულია მთავრობის სასახლეში, ფაშინიანი იმუშავებს მისი რეზიდენციიდან.
