ერთ დღეში გამოვლინდა COVID-19– ის 596 შემთხვევა. ინფიცირებულთა საერთო რაოდენობა სომხეთში 11817 გახდა

,,სპუტნიკი სომხეთი“ წერს, რომ სომხეთში კორონავირუსით ინფიცირებულთა რიცხვი ბოლო დღეს 596-ით გაიზარდა და 11817 გახდა. ინფორმაციას გვაწვდის დაავადებათა კონტროლისა და პრევენციის ეროვნული ცენტრი.
ამ დროისთვის, ფაქტობრივად, 8052 ადამიანი მკურნალობს, 65161 ტესტია ჩატარებული, ინფიცირებულთა 3513 გამოჯანმრთელდა.
4 ივნისის მდგომარეობით, სომხეთში კორონავირუსით ინფიცირებულთა რიცხვი 11,221 იყო.
შეგახსენებთ, რომ 14 მაისის სხდომაზე, სრ მთავრობამ გადაწყვიტა საგანგებო მდგომარეობის კიდევ ერთი თვით გახანგრძლივება. ის გაგრძელდა 13 ივნისამდე, 17:00 ჩათვლით.
გახანგრძლივებულმა საგანგებო მდგომარეობამ გარკვეული ცვლილებები განიცადა. დაშვებულია მრავალი ეკონომიკური საქმიანობა, მაგრამ დადგენილია სავალდებულო მოთხოვნები.
საზოგადოებრივი ტრანსპორტი 18 მაისიდან მუშაობს, მაგრამ მგზავრებს და მძღოლს უნდა ეკეთოთ დამცავი ნიღაბი და ეცვათ ხელთათმანები.
4 ივნისიდან ძალაში შევიდა საგანგებო მდგომარეობის დროს გამოყენებულ რეგულაციებში ცვლილებები და დამატებები. დღეიდან ყველა საჯარო ღია სივრცეში ნიღბის ტარება სავალდებულოა. მხოლოდ 6 წლამდე ასაკის ბავშვებს, ველოსიპედისტებს და ფიზიკურ მოვარჯიშეებს შეუძლიათ არ გამოიყენონ ნიღბები საზოგადოებაში.