სომხეთში უფრო მეტი ქალი დაინფიცირდა კორონავირუსით, ხოლო გარდაიცვალა უფრო მეტი მამაკაცი: პრემიერ-მინისტრი

კორონავირუსით დაავადებულთაგან  ქალები (დადასტურებული შემთხვევები) 34%-ით  უფრო მეტნი არიან, ვიდრე მამაკაცები,   მაგრამ გარდაცვლილთაგან  58% მამაკაცია  და 42 %  – ქალი. ამის შესახებ სომხეთის  პრემიერ-მინისტრმა ნიკოლ ფაშინიანმა ჩანაწერი გააკეთა ფეისბუქის საკუთარ გვერდზე.

შეგახსენებთ, რომ  7 ივნისის 11:00 საათისთვის სომხეთში დადასტურდა კორონავირუსის 13,130 შემთხვევა. წინა დღესთან შედარებით ინფიცირებულთა  რიცხვი 766-ით გაიზარდა.  გამოჯანმრთელდა 294 ადამიანი, სულ გამოჯანმრთელებულტა რიცხვი 8844-ია.

გარდაიცვალა 10 ადამიანი. გარდაცვლილთა საერთო რიცხვმა 200-ს მიაღწია.