,,სპუტნიკი სომხეთი“ წერს, რომ ჩრდილო-სამხრეთის გზატკეცილზე საპროექტო სამუშაოები მიმდინარეობს, ხოლო რეგიონებში გზის შეკეთების პროგრამა სამაგალითო აღმოჩნდა. M-6 გზატკეცილის მონაკვეთი (ვანაძორი – ალავერდი – საქართველოს საზღვარი) სრულად განახლდება 2020 წლის ბოლოს. ამის შესახებ განაცხადა რესპუბლიკის ტერიტორიული ადმინისტრაციისა და ინფრასტრუქტურის მინისტრმა სურენ პაპიკიანმა, ორშაბათს სომხეთის ბიუჯეტის შესრულების შესახებ საპარლამენტო მოსმენაზე.
ამ გზატკეცილის სიგრძე 90 კილომეტრია და კაპიტალურად რემონტდება, ხოლო მთელ რიგ მონაკვეთებში ის ორი ხაზიდან სამამდე ფართოვდება. წელს საჭიროა რიგი რთული პრობლემების მოგვარება სოფელ ოდზუნის მახლობლად მოსახვევების მშენებლობასთან დაკავშირებით.
”დამპროექტებელი წყვეტს ამ საკითხებს. წელს გვსურს მშენებლობის დასრულება გზის 51.7 კმ მონაკვეთზე”, – აღნიშნა პაპიკიანმა.
გზის მონაკვეთის მშენებლობა აზიის განვითარების ბანკისგან გაცემულ სესხით ხდება, დანარჩენი 49 კილომეტრის – ევროპის საინვესტიციო ბანკის სესხზე.
M-6 გზა სომხეთიდან საქართველოში ალტერნატიული მარშრუტია. სასაზღვრო ბაგრატაშენთან ის აკავშირებს სევანი – იჯევანი – ბაგრატაშენის გზასთან. გარდა ამისა, მოქმედებენ გზები: გიუმრი – ბავრა, ვანაძორი – სტეფანავანი – გოგავანი და სევანი – იჯევანი – ბაგრატაშენი.
რაც შეეხება გზის მშენებლობის სხვა პროგრამებს, ჩრდილოეთ-სამხრეთის მარშრუტის რამდენიმე მონაკვეთში, 2019 წელს მუშაობა განხორციელდა არც თუ ისე დიდი მოცულობით. ზოგიერთ ადგილზე მშენებლობა ჯერ არ დაწყებულა; ტარდებოდა საპროექტო სამუშაოები. კერძოდ, ისინი გზის ყველაზე სამხრეთის მონაკვეთზე გადიოდა – ირანის საზღვრიდან ქალაქ ქაჯარანამდე, ევრაზიის განვითარების ბანკის სესხზე. სხვა მონაკვეთებში პროექტებს აფინანსებდნენ ევროპის საინვესტიციო ბანკი და აზიის განვითარების ბანკი.
რაც შეეხება სხვა პროექტებს, პაპიკიანმა აღნიშნა, რომ მსოფლიო ბანკის პროექტი რეგიონებში გზების შეკეთების მხრივ, სამაგალითო აღმოჩნდა. ფინანსების თვალსაზრისით, იგი შესრულდა 89% -ით, ხოლო შესრულებული სამუშაოებით გადაჭარბებით შესრულდა (70,5 კმ 60-ის ნაცვლად).
შეგახსენებთ, რომ ჩრდილოეთ-სამხრეთის პროექტი გულისხმობს სომხეთის სახელმწიფოთაშორისი მაგისტრალის მნიშვნელოვან რეკონსტრუქციასა და გაფართოებას ირანიდან საქართველოს საზღვრებამდე.
