გუშინ, საკომენდატო სხდომის შემდეგ გამართული ბრიფინგისას სომხეთის რესპუბლიკის პრემიერ-მინისტრმა ნიკოლ ფაშინიანმა აღნიშნა, რომ, სავარაუდოდ, საგანგებო მდგომარეობა გაგრძელდება.ამის შესახებ ცნობას აქვეყნებს „სპუტნიკი სომხეთი“.
”საგანგებო მდგომარეობის გახანგრძლივების ალბათობა საკმაოდ მაღალია. მე ვფიქრობ, რომ საგანგებო მდგომარეობა გაგრძელდება”, – თქვა ფაშინიანმა.
შეგახსენებთ, რომ საგანგებო მდგომარეობა სომხეთში დაიწყო 16 მარტიდან. 14 მაისს გამართულ სხდომაზე, სომხეთის მთავრობამ გადაწყვიტა კორონავირუსის პრევენციის მიზნით გამოცხადებული საგანგებო მდგომარეობა კიდევ ერთი თვით გაახანგრძლივოს – 13 ივნისის 17:00 ჩათვლით.
გახანგრძლივებულმა საგანგებო მდგომარეობამ გარკვეული ცვლილებები განიცადა. დაშვებულია მრავალი ეკონომიკური საქმიანობა, მაგრამ დადგენილია სავალდებულო მოთხოვნებიც.
საზოგადოებრივი ტრანსპორტი სომხეთში 18 მაისიდან მოქმედებს, მაგრამ მგზავრებს და მძღოლს უნდა ეცვათ დამცავი ნიღაბი და ხელთათმანები.
4 ივნისიდან საგანგებო მდგომარეობის დროს გამოყენებულ რეგულაციებში ცვლილებები და დამატებები შევიდა. სავალდებულოა ნიღბის ტარება ყველა საჯარო ღია სივრცეში.
