ლიტველი ექიმები დაეხმარებიან სომეხ კოლეგებს კორონავირუსის წინააღმდეგ ბრძოლაში
სომხეთში ჩამოვა ლიტვის ექიმთა ჯგუფი. ექიმები დაეხმარებიან სომეხ კოლეგებს კორონავირუსის წინააღმდეგ ბრძოლაში. ინფორმაცია ლიტვაში სომხეთის ელჩმა ტიგრან მკრტჩიანმა გაავცრელა ფეისბუქის საკუთარი გვერდის საშუალებით.
„ლიტვის მთავრობამ მიიღო ძალიან მნიშვნელოვანი და დროული გადაწყვეტილება, რომ გამოაგზავნოს ექიმთა ჯგუფი (სომხეთის საჭიროების შესაბამისად) კორონავირუსის წინააღმდეგ საბრძოლველად. დეტალები მოგვიანებით. ”- დაწერა მან და მადლობა გადაუხადა ლიტვის მთავრობას.
სომხეთისადმი დახმარების წინადადებით გამოვიდა საქართველოს დაავადებათა კონტროლის ეროვნული ცენტრის ხელმძღვანელი ამირან გამყრელიძეც. მან აღნიშნა, რომ ისინი მზად არიან უზრუნველყონ მოძმე სომხეთისათვის ტესტების მიწოდება ან ჩაატარონ ლაბორატორიული ტესტები საქართველოში. უფრო ადრე, ქართულმა მხარემ საგარეო საქმეთა მინისტრის დონეზე გამოთქვა მზადყოფნა დაეხმაროს სომხეთს კორონავირუსთან ბრძოლაში.
