,,არმენპრესი“ წერს, რომ სომხეთის მთავრობა განიხილავს, თუ რა სხვა იძულებითი ზომების მიღება შეუძლია საზოგადოებრივი უსაფრთხოების წესების დასაცავად. როგორც იუწყება “არმენპრესი”, სომხეთის რესპუბლიკის პრემიერ-მინისტრმა ნიკოლ ფაშინიანმა ამის შესახებ აღნიშნა კომენდანტურის სხდომის შემდეგ მოწვეულ ბრიფინგზე.
”ნებისმიერ შემთხვევაში, ეს იქნება ადმინისტრაციული მეთოდით, იძულებითი ან არა იძულებითი, სანამ არ დავიცავთ ამ წესს, ჩვენ ვერ დავძლევთ ამ პრობლემას. ან ჩვენ გადავლახავთ მას შემდეგნაირად: ვინც უნდა მომკვდარიყო, მოკვდება, დარჩებიან ისინი, ვინც მსუბუქად გადაიტანენ. მიუხედავად იმისა, რომ ხდება გაახალგაზრდავება, გარანტირებული არავინ არაა. დღევანდელ შემთხვევებში გვქონდა 42 წლის ინფიცირებულის გარდაცვალება”, – აღნიშნა ნიკოლ ფაშინიანმა.
სრ პრემიერ-მინისტრის განცხადებით, ამ პერიოდში ხარვეზი არის ის, რომ მათ ვერ შეძლეს მოქალაქეები აიძულონ ან დაარწმუნონ, რომ დაიცვან უსაფრთხოების წესები. ”ჰაღარწინის, გეღარდის, ფანჩატურის სანახაობის ნახვისას, საკუთარ თავს ვუსვამ კითხვას, კარგი, რა შეცდომა დავუშვი, რომ ეს ადამიანები საკუთარ თავს სიკვდილით სჯიან? მით უმეტეს, რომ სასაუბროებში შეკრებილი ხალხი, როგორც წესი, 55 წელს გადაცილებული ადამიანები არიან”- აღნიშნა ნიკოლ ფაშინიანმა.
სომხეთის რესპუბლიკის პრემიერ-მინისტრმა აღნიშნა, რომ თავიდანვე ფართომასშტაბიანი ინფორმირების პროცესები ხორციელდება, უფრო მეტიც, ეს კეთდება ძალიან მარტივი გზით, რომ ხალხისთვის გასაგები იყოს. ყოველ შემთხვევაში, ჯერ კიდევ არის შემთხვევები, როდესაც მოქალაქეები არ ატარებენ ნიღბებს ან არ იცავენ სოციალურ დისტანციას.
“როგორ მოხდა სომხეთში ერთი შეხედვით შეუძლებელი პოლიტიკური ცვლილებები?” რა თქმა უნდა, კომუნიკაციით. ჩვენ ვთქვით, მოვუწოდეთ. ჩემი ვარაუდი რჩება ის, რომ მთავრობას აქვს საიმედო კომუნიკაცია მოქალაქეებთან”,- აღნიშნა ნიკოლ ფაშინიანმა და ხაზი გაუსვა, რომ პრობლემა არის მოქალაქეების ქცევაში. მან აღნიშნა, რომ მათ შეუძლიათ ჰაღარწინთან მისასვლელი გზის გადაკეტვა და ფანჩატურების დახურვა, მაგრამ იგივე ხალხი შეიკრიბება საკუთარ სახლებში მეზობლების გარემოცვაში. აქედან გამომდინარე, ძალიან მნიშვნელოვანია, რომ ყველა მოქალაქემ გააცნობიეროს ვითარების სერიოზულობა და დაიცვას უსაფრთხოების ყველა წესი.
