,, არმენპრესი“ წერს, რომ ევროკავშირმა კიდევ ერთხელ დაადასტურა, რომ ის არის სომხეთის რესპუბლიკის ნამდვილი მეგობარი და პარტნიორი და უნდა განაგრძოს სომხეთის მხარდაჭერა, რომელმაც აირჩია ევროინტეგრაციის რეფორმის გზა. “არმენპრეს” -ის ცნობით, ამის შესახებ ნათქვამია ,,ევრანესთ“-ის საპარლამენტო ასამბლეაში ევროპარლამენტის დელეგაციის ხელმძღვანელის ანდრეას კუბილიუსისა და ასამბლეაში სომხეთის დელეგაციის ხელმძღვანელის გაიანე აბრაჰამიანის ერთობლივ განცხადებაში.
”2020 წლის მარტში, ევროკავშირმა სწრაფი რეაგირება მოახდინა სომხეთში COVID-19- ის აფეთქების გამო და მობილიზებული იქნა როგორც რეგიონალური, ისე ორმხრივი დახმარების პაკეტები. ევროკავშირმა უნდა გააგრძელოს მხარდაჭერა სომხეთთან და აღმოსავლეთ პარტნიორობის ქვეყნებთან, რომლებმაც აირჩიეს ევროინტეგრაციის რეფორმის გზა. არსებობს ანდაზა, რომ კრიზისის დროს თქვენ გაიგებთ ვინ არიან თქვენი ნამდვილი მეგობრები. COVID-19 პანდემია არის სწორედ ის კრიზისი, რომელიც ადასტურებს, რომ ევროკავშირი არის სომხეთის ნამდვილი მეგობარი და პარტნიორი. ჩვენ დარწმუნებულნი ვართ, რომ ამ პარტნიორობას აქვს ნათელი მომავალი ორივე მხარისთვის, სომხეთისა და ევროკავშირისთვის”, – ნათქვამია განცხადებაში.
განცხადებაში ნათქვამია, რომ აღმოსავლეთ პარტნიორობის რეგიონი ევროპის ნაწილია და რჩება გლობალური სტრატეგიული პრიორიტეტი ევროკავშირისთვის. ევროკავშირმა 3 მილიარდ ევროზე მეტი გამოუყო ევროკავშირთან საერთო მეზობელ ქვეყნებს, რომელთაგან 962 მილიონი მიმართული იქნება აღმოსავლეთ პარტნიორობის რეგიონზე, მათ შორის სომხეთზე.
