,,არმენპრესი“ წერს, რომ სომხეთის რესპუბლიკის ეროვნულმა ასამბლეამ სომხეთსა და საერთაშორისო სავალუტო ფონდს შორის „სარეზერვო პროგრამის თანხებისა და დამატებითი ნასესხები სახსრების გამოყენების შესახებ“ 2020 წლის 23 მაისსა და 1 ივნისს გაფორმებული წერილი-ხელშეკრულების შეთანხმების რატიფიცირება მოახდინა. “არმენპრეს” -ის ცნობით, ხელშეკრულება ერთხმად იქნა რატიფიცირებული 88 “მომხრე” ხმით.
საერთაშორისო სავალუტო ფონდის მიერ ჯერ კიდევ 2019 წლის მაისში სომხეთისთვის დამტკიცდა 248,2 მილიონი აშშ დოლარის ღირებულების სამწლიანი სარეზერვო პროგრამა, რომელიც მიმართული იყო ძირითადი ეკონომიკური და სტრუქტურული რეფორმების განსახორციელებლად. ფონდის აღმასრულებელ დირექტორთა საბჭოს 2020 წლის 18 მაისის სხდომაზე დამტკიცდა პროგრამის მეორე გადასინჯვა, რომლითაც პროგრამის ფარგლებში სომხეთის რესპუბლიკას მთლიანობაში 105 მილიონი აშშ დოლარის სესხი გამოეყო. ფონდის აღმასრულებელმა დირექტორთა საბჭომ ასევე დაამტკიცა განაცხადი ფონდის სწრაფი დაფინანსების ინსტრუმენტის ფარგლებში დამატებით 175 მილიონი აშშ დოლარის მოცვის შესახებ.
ფონდის წარმომადგენლებთან მოლაპარაკებების შედეგად, მიღწეულ იქნა შეთანხმება სარეზერვო პროგრამის წრეებში გათვალისწინებული თანხების უშუალოდ საბიუჯეტო მხარდაჭერის გამოყენების მიმართულებით, რომელიც მიზნად ისახავს ახალი კოროვირუსული ეპიდემიის გავრცელების შედეგების შესამცირებლად სოციალურ-ეკონომიკური ღონისძიებების დაფინანსებას.
დღეისათვის, სომხეთის რესპუბლიკისთვის ხელმისაწვდომია საერთო ჯამში საბიუჯეტო სახსრები, დაახლოებით 280 მილიონი აშშ დოლარის ოდენობით, ხოლო პროგრამის მესამე გადასინჯვის შედეგად, კიდევ 35 მილიონი აშშ დოლარი იქნება ხელმისაწვდომი.
