დღეს სომხეთში სამხედრო-საავიაციო ძალების დღეს აღნიშნავენ. ამ თარიღთან დაკავშირებით სომხეთის თავდაცვის სამინისტროს პრესმდივანი შუშან სტეპანიანი „ფეისბუქის“ საკუთარ გვერდზე ასეთ ჩანაწერს აკეთებს: „წელს სამხედრო-საავიაციო მიმართულების ფორმირების 28-ე წლისთავია. ამ დღსასწაულთან დაკავშირებით ჩვენ ვულოცავთ გმირ სამხედრო მფრინავებს, მომსახურე პერსონალს და ყველა ჩვენთაგანს. გისურვებთ მშვიდობიან ცას. საჭიროების შემთხვევაში, სომხეთის შეიარაღებული ძალების სამხედრო-საჰაერო ნაწილები მნიშვნელოვან წვლილს შეიტანენ ქვეყნის თავდაცვისა და უსაფრთხოების საქმეში“, – წერს სტეფანიანი.
