,,სპუტნიკი სომხეთი“ წერს, რომ სრ პრემიერ-მინისტრმა ისაუბრა საგანგებო მდგომარეობის გახანგრძლივების აუცილებლობაზე და თქვა, თუ რას გააკეთებს მთავრობა ამ დროის განმავლობაში.
პრემიერ-მინისტრმა ფაშინიანმა დღეს გამართული კომიტეტის სხდომის შემდეგ განაცხადა, რომ საგანგებო მდგომარეობა, რომლის დასრულება 13 ივლისს იყო გათვალისწინებული, გახანგრძლივდება კიდევ ერთი თვის განმავლობაში.
”რა თქმა უნდა, ჩვენ გვესმის, რომ საგანგებო მდგომარეობას განუსაზღვრელი ვადით ვერ გავაგრძელებთ. როგორც ჩანს, თუ ყველაფერი ისე წავა, ჩვენ ერთხელ მაინც ახლა გავაგრძელებთ მას”,- აღნიშნა მან.
ფაშინიანმა აღნიშნა, რომ ამ დროის განმავლობაში სომხეთის მთავრობა შეეცდება საგანგებო მდგომარეობის შესახებ სრ კანონმდებლობა დახვეწოს ისე, რომ საგანგებო მდგომარეობის გაუქმების შემდეგ მთავრობას ჰქონდეს გარკვეული ინსტრუმენტები ანტიპანდემიური პოლიტიკის გასატარებლად.
”დიახ, ჩვენ განვიხილავთ, რომ საგანგებო მდგომარეობის განუსაზღვრელი ვადის გაგრძელება არ შეგვიძლია. ეს პრობლემაა, ეს ყველასთვის პრობლემაა, მაგრამ, მეორეს მხრივ, ჩვენ არ შეგვიძლია უგულებელვყოთ ეპიდემიური მდგომარეობა”,- აღნიშნა პრემიერ-მინისტრმა.
შეგახსენებთ, რომ სომხეთში 16 მარტიდან საგანგებო მდგომარეობაა. 14 მაისს გამართულ სხდომაზე, სომხეთის მთავრობამ გადაწყვიტა კორონავირუსის პრევენციის მიზნით გამოცხადებული საგანგებო მდგომარეობა გაეხანგრძლივებინა კიდევ ერთი თვის განმავლობაში. ის გაგრძელდა 13 ივნისამდე, 17:00 ჩათვლით.
გახანგრძლივებულმა საგანგებო მდგომარეობამ გარკვეული ცვლილებები განიცადა. დაშვებულია მრავალი ეკონომიკური საქმიანობა, მაგრამ დადგენილია სავალდებულო მოთხოვნები.
საზოგადოებრივი ტრანსპორტი სომხეთში 18 მაისიდან ფუნქციონირებს, მაგრამ მგზავრებს და მძღოლს უნდა ეცვათ დამცავი ნიღაბი და ხელთათმანები.
საგანგებო მდგომარეობის დროს გამოყენებულ რეგულაციებში შეტანილი ცვლილებები და დამატებები 4 ივნისიდან ძალაში შევიდა. დღეიდან სავალდებულოა ნიღბის ტარება ყველა საჯარო ღია სივრცეში. მხოლოდ 6 წლამდე ასაკის ბავშვებს, ველოსიპედისტებს და მოვარჯიშეებს შეუძლიათ არ გამოიყენონ ნიღბები საზოგადოებაში.
სომხეთში კორონავირუსით ინფიცირებულთა რიცხვმა უკვე 28,936 მიაღწია.
