,,Armradio.am” წერს, რომ თბილისი უნდა იყოს შუამავალი სომხეთსა და აზერბაიჯანს შორის სასაზღვრო დაძაბულობის შესამცირებლად. ამის შესახებ ქართველმა ექსპერტებმა განუცხადეს “Radiolur” – ს, რომლებმაც უკვე მიმართეს ქვეყნის პრემიერ-მინისტრს ინიციატივით, თბილისში მშვიდობიანი კონფერენცია გამართონ, სომხეთისა და აზერბაიჯანის ლიდერების მონაწილეობით.
”საქართველოს შეუძლია შეაჩეროს ომი ორ ქვეყანას შორის, როგორც ეს 100 წლის წინ მოხდა,” – განუცხადა Radiolur- ს სამხედრო ექსპერტმა დავით მაისაიამ და აღნიშნა, რომ საქართველოს კვლავ შეუძლია შუამავლის როლი შეასრულოს.
”მე პირადად გამოვედი ამ ინიციატივით, მივმართე ქვეყნის პრემიერ-მინისტრს მშვიდობიანი კონფერენციის გამართვისთვის თბილისში, სომხეთის, აზერბაიჯანის ლიდერების და ყველა დაინტერესებული მხარის მონაწილეობით. ეს საკითხი აქ შეიძლება მოგვარდეს, როგორც ეს ასი წლის წინ მოხდა. ”
ექსპერტი ამბობს, რომ 1919 წელს თბილისში გაიმართა მშვიდობიანი კავკასიური კონფერენცია, საქართველოს პრემიერ-მინისტრის ნოე ჟორდანიას ინიციატივით. მისი თქმით, დღეს არ უნდა ვისაუბროთ იმაზე, თუ ვინ გახსნა ცეცხლი პირველად, არამედ როგორ მოვაგვაროთ საკითხი․
”ვფიქრობ, ასეთი კონფერენციის ჩატარება საქართველოში იქნება შესაფერისი, და დროული, პოლიტიკურად განათლებული ნაბიჯი”.
საქართველოში ამბობენ, რომ თბილისი დღეს დაინტერესებულია ცეცხლის შეწყვეტით, რადგან სასაზღვრო დაძაბულობა, გადაიზარდა რა სრულმასშტაბიან ომში, დივერსიული შეტევების საფრთხეს შეუქმნის ქვეყნის ტერიტორიით გამავალ ენერგეტიკულ დერეფნებს, მიმდინარე პროექტებს, რომლებიც ეხება მეზობლებსაც.
კიდევ ერთი სამხედრო ექსპერტი, არსენალის სამხედრო ანალიტიკური ჟურნალის მთავარი რედაქტორი ირაკლი ალადაშვილი ამბობს, რომ სომხეთის ტავუშის რეგიონი, სადაც საარტელერიო დარტყმები მოხდა, საქართველოს საზღვარიდან 50 კილომეტრშია. საქართველოს ზოგიერთ სოფელში გასრეოლების ხმაც კი ისმის.
”ყოველ შემთხვევაში, მე ვფიქრობ, რომ ეს ყველაფერი არ გადაიქცევა ფართომასშტაბიან ომში, და აზერბაიჯანი არ გადადგამს ნაბიჯს სომხეთის ატომური ელექტროსადგურის დარტყმისკენ. შედეგები იქნება რეგიონალური, თუნდაც გლობალური ”.
ალადაშვილი თვლის, რომ საქართველოს შეუძლია მხარეების დახმარება, მაგრამ ამავე დროს აღნიშნავს, რომ, სამწუხაროდ, საკითხის მოგვარების გასაღები არა საქართველოში, არამედ ჩრდილოეთშია.
თბილისში სომხეთისა და აზერბაიჯანის ლიდერების შეხვედრის ორგანიზების მიზნით შექმნილი საინიციატივო ჯგუფი აპირებს წერილობითი განცხადების წარდგენას ქვეყნის პრემიერ-მინისტრისთვის, იმ იმედით, რომ რეაგირება იქნება.
ოფიციალურმა თბილისმა შეშფოთება გამოთქვა სომხეთ-აზერბაიჯანის კონტაქტის ხაზზე მიმდინარე შეიარაღებული შეტაკებების გამო, ხოლო პრეზიდენტმა სალომე ზურაბიშვილმა იმედი გამოთქვა, რომ მხარეები მშვიდობიანი მოლაპარაკებების გზით თავიდან აიცილებენ შემდგომ ესკალაციას. სასაზღვრო ვითარების დაძაბულობის შესახებ სატელეფონო საუბარი ჰქონდათ ორი ქვეყნის საგარეო საქმეთა მინისტრებსაც.
