რომელი უცხოური ენაა ყველაზე პოპულარული საქართველოში – ამერიკული კვლევის შედეგები
,,სპუტნიკი საქართველო” წერს, რომ საქართველოს ქართულენოვანი მოსახლეობის უმრავლესობამ რუსული ენა კარგად ან საშუალო დონეზე იცის. ასეთ დასკვნამდე მივიდნენ აშშ-ის ეროვნული დემოკრატიული ინსტიტუტის (NDI) მკვლევარები გამოკითხვის შედეგებზე დაყრდნობით.
კვლევამ აჩვენა, რომ რუსული ენა სხვადასხვა დონეზე გამოკითხულთა 90%-მა იცის.
| რუსული ენის ცოდნის დონე | გამოკითხულთა წილი |
| მაღალი | 24% |
| საშუალო | 45% |
| საწყისი დონე | 23% |
| არ იცის | 8% |
რაც შეეხება ინგლისურ ენას, რომელსაც საქართველოში ახლა პირველი კლასიდან სწავლობენ, გამოკითხულთა ნახევარზე მეტმა (52%) ის საერთოდ არ იცის. მაღალ დონეზე იცის 8%-მა, საშუალო დონეზე 19%-მა და კიდევ 19%-მა – საწყის დონეზე.
რაც შეეხება არაქართულენოვან მოსახლეობას, ინტერვიუს დროს აღმოჩნდა, რომ საშუალო დონეზე ქართული ენა იცის მხოლოდ 14%-მა, 50%-მა იცის საბაზისო სიტყვები და ფრაზები, ხოლო 37%-მა – საერთოდ არ იცის სახელმწიფო ენა.
ტელეფონით 1 550 ადამიანის გამოკითხვა ჩატარდა 26–30 ივნისის პერიოდში. ცდომილება +/-2%-ს შეადგენს.
