თურქეთის საგარეო საქმეთა სამინისტროს განცხადება სომხეთში სევრის სამშვიდობო ხელშეკრულების 100 წლის იუბილესთან დაკავშირებით, კიდევ ერთხელ ადასტურებს ამ ქვეყნის უუნარობას საკუთარი წარსულის მიმართ. ასეთი მოსაზრება გამოთქვა სომხეთის საგარეო საქმეთა მინისტრის სპიკერმა ანა ნაღდალიანმა, რომელიც კომენტარს აკეთებს თურქეთის საგარეო საქმეთა სამინისტროს განცხადებაზე. ამის შესახებ ინფორმაციას ავრცელებს „სპუტნიკი სომხეთი“.
უფრო ადრე, თურქეთის საგარეო საქმეთა სამინისტრომ განაცხადა, რომ დადგა დრო, რომ სომხეთის მთავრობა “გონს მოეგოს” და უარი თქვას მის აგრესიულ ნაციონალისტურ პოლიტიკაზე. როგორც თურქეთის საგარეო საქმეთა სამინისტრომ აღნიშნა, რომ სევრის ხელშეკრულების დებულებების მოდერნიზაციის მცდელობები სომხეთის კიდევ ერთი პროვოკაციაა.
”სევრის სამშვიდობო ხელშეკრულება იყო და იქნება ისტორიული ფაქტი, რომლის ხელახალი რედაქტირება ან წაშლა შეუძლებელია? ”გასაკვირია, რომ თურქეთის ამჟამინდელი მთავრობა, რომელიც შემთხვევას არ უშვებს ხელიდან, რომ განადიდოს ოსმალური მემკვიდრეობა, ასე ნერვიულად რეაგირებს ოსმალეთის იმპერიის მიერ რიგ ქვეყნებთან, მათ შორის სომხეთთან დადებული სევრის ხელშეკრულების ხსენებაზე“, – თქვა ნაღდალიანმა.
მისივე თქმით, თურქეთი თავს არიდებს მის წარსულთან პირისპირ დგომას, სამაგიეროდ სხვებს მოუწოდებს, რომ „ისტორიიდან მტრობის მაგივრად გაკვეთილი მიიღონ“. თურქეთი განაგრძობს ტრადიციულ პოლიტიკას სომხეთის გენოციდის გასამართლებლად და სომეხ ხალხს ახალი სისასტიკით ემუქრება.
შეგახსენებთ, რომ სევრის ხელშეკრულება გაფორმდა 1920 წლის 10 აგვისტოს, პარიზის გარეუბანში. სევრის სამშვიდობო ხელშეკრულებით, თურქეთმა სომხეთი აღიარა, როგორც თავისუფალი და დამოუკიდებელი სახელმწიფო. თურქეთი და სომხეთი შეთანხმდნენ, რომ დაეტოვებინათ ორი ქვეყნის დემარკაცია ერზრუმის, ტრაპიზონის, ვანისა და ბიტლისის პროვინციებში (ვილაეთები) აშშ-ს გადაწყვეტილებით (პრეზიდენტ ვუდრო ვილსონის საარბიტრაჟო გადაწყვეტილება, რომელიც ასევე 100 წლის გახდება 22 ნოემბერს), რაც ნიშნავდა სომხეთისათვის ზღვაზე გასასვლელის ქონას.
