პოლიტოლოგმა თქვა, შეძლებს თუ არა სააკაშვილი გახდეს საქართველოს პრემიერ-მინისტრი

ამ ეტაპზე მიხეილ სააკაშვილს არ აქვს შანსი გახდეს საქართველოს პრემიერ მინისტრი, – თქვა პოლიტოლოგმა ნიკა ჩიტაძემ რადიო „Sputnik საქართველოს“ ეთერში.

მანამდე ნაციონალური მოძრაობის პარტიის ერთ-ერთმა ლიდერმა რომან გოცირიძემ განაცხადა, რომ საპარლამენტო არჩევნებში გამარჯვების შემთხვევაში, ყოფილი მმართველი პარტია პრემიერ მინისტრის პოსტზე წარადგენს საქართველოს ექსპრეზიდენტს მიხეილ სააკაშვილს.

”მიხეილ სააკაშვილის უფლებამოსილების გამო ბევრი ხმა აძლევს ნაციონალურ მოძრაობას … შესაბამისად, მას აქვს მხარდაჭერა საქართველოში. მაგრამ ამ ეტაპზე, თუნდაც ნაციონალურმა მოძრაობამ 100% მიიღოს, სააკაშვილი ჯერ ვერ გახდება პრემიერ მინისტრი, რადგან რომ მის წინააღმდეგ სისხლის სამართლის საქმეა აღძრული და ის არ არის საქართველოს მოქალაქე. ასე რომ, ეს ყველაფერი მოითხოვს სამართლებრივი პროცედურების მოგვარებას. ამ ეტაპზე მას პრემიერ-მინისტრობის შანსი არ აქვს”, – განაცხადა ჩიტაძემ.

მიხეილ სააკაშვილმა საქართველო დატოვა 2013 წელს, სადაც მის წინააღმდეგ არაერთი სისხლის სამართლის საქმე აღიძრა, ზოგიერთ მათგანში მას დაუსწრებლად მიუსაჯეს პატიმრობა. საქართველოში ჩამოსვლისთანავე მას დააკავებენ,  თუ იმ დროისთვის საქართველოს პრეზიდენტი სალომე ზურაბიშვილი არ შეიწყალებს მას.

2015 წლის გაზაფხულზე სააკაშვილი უკრაინის პოლიტიკაში შევიდა, როდესაც უკრაინის მაშინდელმა პრეზიდენტმა პეტრო პოროშენკომ ის ოდესის ოლქის გუბერნატორად დანიშნა, მანამდე მიიღო მოქალაქეობა. ამასთან, უკვე 2016 წლის ნოემბერში პოროშენკომ გაათავისუფლა სააკაშვილი და განაცხადა, რომ მან არა მხოლოდ შეასრულა დანაპირები რეგიონის განვითარებასთან დაკავშირებით, არამედ მნიშვნელოვნად გააუარესა რეგიონის ეკონომიკური მაჩვენებლები.

უკრაინის ახალმა პრეზიდენტმა, ვოლოდიმირ ზელენსკიმ 2019 წლის 28 მაისის განკარგულებით  სააკაშვილს დაუბრუნა უკრაინის მოქალაქეობა, რის შემდეგაც პოლიტიკოსი დაბრუნდა უკრაინაში და ახალი თანამდებობა დაიკავა.