,,არმენპრესი“ წერს, რომ პოლონეთის საერთაშორისო ურთიერთობების ინსტიტუტის ოფიციალურმა ვებგვერდმა Pism.pl– მა, გამოაქვეყნა სომხეთში ევროკავშირის დელეგაციის ყოფილი ხელმძღვანელის, ელჩ პიოტრ სვიტალსკის წიგნის ელექტრონული ვერსია, რომელიც მოგვითხრობს 2018 წელს ჩვენს ქვეყანაში ადგილის მქონე არაძალადობრივი, ხავერდოვანი, სახალხო რევოლუციის შესახებ.
“არმენპრესის” გადმოცემით, წიგნში სახელწოდებით “სომხეთის რევოლუცია. დაუმთავრებელი ჯაჭვი”, ავტორი აღწერს სომხეთში პოსტსაბჭოთა სახელმწიფოს მოდელის ფორმირების მექანიზმებს და სოციალური უკმაყოფილების ზრდის პროცესს.
იგი დეტალურად აღწერს რევოლუციური მოვლენების მიმდინარეობას ერევანში განლაგებული დასავლელი დიპლომატის თვალით. წიგნში პიოტრ სვიტალსკი აღნიშნავს ახალი პოლიტიკური გუნდის წარმატებას ქვეყნის რეფორმირების საქმეში, ასევე იმ სირთულეებს, რომლებიც სხვათა შორის დაკავშირებულია ძველი ეკონომიკური და პოლიტიკური სტრუქტურების წინააღმდეგობასთან.
წიგნში ყოფილი ელჩი აანალიზებს სომხეთში მიმდინარე რეფორმების გეოპოლიტიკურ კონტექსტს მთიანი ყარაბაღის კონფლიქტის ფაქტორისა და მისი შესაძლო მოგვარების გათვალისწინებით.
წიგნის ბოლოს სვიტალსკი წარმოგიდგენთ წინადადებებსა და დაკვირვებებს ევროკავშირის პოლიტიკასთან და რეგიონში პოლონეთის, კერძოდ სომხეთთან თანამშრომლობასთან დაკავშირებით.
