ქორწილები, იუბილეები და პანაშვიდები საქართველოში აიკრძალა კორონავირუსის გაუარესების გამო

,,News.am” წერს, რომ საქართველოს ხელისუფლებამ მთელი რიგი შეზღუდვების დაწესება გადაწყვიტა ეპიდემიოლოგიური მდგომარეობის გაუარესების გამო, განაცხადა საქართველოს მთავრობის აპარატის ხელმძღვანელმა ნათია მეზვრიშვილმა უწყებათაშორისი საკოორდინაციო საბჭოს სხდომის დასრულების შემდეგ. ამის შესახებ ცნობას აქვეყნებს „Sputnik-ი  საქართველო“.

გუშინ საქართველოში კორონავირუსული ინფექციების გამოვლენის ახალი რეკორდი დამყარდა, მათი უმეტესობა შავი ზღვის რეგიონში, აჭარაშია, სადაც დამსვენებლების დიდი ნაკადი იყო.

”რამდენიმე დღის წინ ჩვენ წარმოვადგინეთ შეზღუდვების მოხსნა და თეატრებისა და კინოთეატრების გახსნა, რომელთა ნაწილი 15 სექტემბერს უნდა გაეხსნათ, ზოგი კი 1 ოქტომბერს, მაგრამ ეპიდემიოლოგიური მდგომარეობის გათვალისწინებით, გადაწყდა ამ ობიექტების გახსნის გადადება ერთი თვით, 1 ნოემბრამდე, ასევე ბავშვთა გასართობი ცენტრების გახსნა”, – თქვა მეზვრიშვილმა.

გარდა ამისა, 10 სექტემბრიდან ქვეყანაში აკრძალულია იუბილეები, ქორწილები, დღესასწაულები და სხვა ცერემონიები.

საზოგადოებრივი ღონისძიებების ჩატარება აკრძალულია როგორც შენობაში, ისე ქუჩაში.

”ეს სოციალური ღონისძიებები ხვალიდან აიკრძალება, ჩვენ დავუბრუნდებით წინა შეზღუდვებს, მათ შორის ქორწილების, პანაშვიდების და იუბილეების აკრძალვას. ეს შეზღუდვა უკვე ძალაშია შენობაში და ხვალიდან ის შეეხება გარე ტერიტორიებსაც”, – თქვა მეზვრიშვილმა.

ხვალიდან 200-ზე მეტი ადამიანის მონაწილეობით კულტურული და სპორტული ღონისძიებები აიკრძალება.

მეზვრიშვილის თქმით, შესაბამისი სანქციებია გათვალისწინებული ამ წესების დარღვევისათვის,  საზოგადოებამ უნდა გამოავლინოს მაღალი სამოქალაქო პასუხისმგებლობა.

ასევე არ არის რეკომენდებული წვეულებებისა და სადღესასწაულო ღონისძიებების ჩატარება სკოლებში.

მისივე თქმით, მოქალაქეებმა უნდა დაიცვან სოციალური დისტანცია და ატარონ დამცავი ნიღბები.