ისრაელის კომპანიები განახორციელებენ საქართველოს შეიარაღებული ძალების იარაღის მოდერნიზებას

,,Razminfo” წერს, რომ საქართველოს თავდაცვის სამინისტრომ ისრაელის კომპანია “რაფაელთან” ხელი მოაწერა ხელშეკრულებას მის არსენალში არსებული საჰაერო თავდაცვის ტექნიკის მოდერნიზაციისა და აღდგენის შესახებ.

ამის შესახებ იუწყება საქართველოს თავდაცვის სამინისტრო. აღნიშნული არ არის ქართული საჰაერო თავდაცვის კონკრეტულად რომელი იარაღის მოდერნიზაციისა და აღდგენის შესახებაა ხელშეკრულება. მხარეებმა ასევე განიხილეს საქართველოს შეიარაღებული ძალების სამხედრო მოსამსახურეთა გადამზადებასა და პროფესიულ მომზადებასთან დაკავშირებული საკითხები.
გარდა ამისა, საქართველოს თავდაცვის მინისტრი ირაკლი ღარიბაშვილი შეხვდა ისრაელის კიდევ ერთი კომპანიის, Elbit Systems- ის წარმომადგენლებს, განიხილეს საქართველოს საჰაერო ძალების ავიაპარკის მოდერნიზების საკითხები.

აღსანიშნავია, რომ ქარხანა ,,თბილავიამშენი“-ში ამჟამად მიმდინარეობს საქართველოს შძ -ის  SU-25 თავდამსხმელების კაპიტალური რემონტი, რომლებიც ქართულმა მხარემ შეიარაღებიდან ოფიციალურად მოხსნა ჯერ კიდევ 2017 წელს. ნიშანდობლივია, რომ SU-25– ის მოდერნიზაციის სფეროში საქართველოსა და ,,ელბით სისთემზს“ აქვთ თანამშრომლობის გამოცდილება. 2000-იან წლებში ისრაელის კომპანიამ განაახლა რამდენიმე SU-25, რომლებსაც მიენიჭათ სახელი SU-25KM  “სკორპიონი”.