სომხეთის მიმართულებით რეგულარული ფრენების ლიცენზირებულ კომპანიებს შეუძლიათ ფრენების დაწყება

ყველა ავიაკომპანიას, რომელსაც ადრე ჰქონდათ სომხეთის მიმართულებით რეგულარული ფრენების შესრულების ლიცენზია, შეუძლია ფრენების განახლება 12 სექტემბრიდან.

ამის შესახებ “არმენსპრესთან” საუბრისას თქვა სამოქალაქო ავიაციის კომიტეტის საჰაერო ტრანსპორტირების რეგულირების დეპარტამენტის უფროსის მოვალეობის შემსრულებელმა სტეპან ფაიასიანმა, რომელიც შეეხო  11 სექტემბერს საგანგებო მდგომარეობის დასრულების შემდეგ რეგულარული ფრენების განახლებას.

„ძალაში შედის 30-მდე ავიაკომპანიის მიერ ადრე გაცემული ნებართვები. ამ პერიოდის განმავლობაში, ჩვენი შეკითხვების საპასუხოდ, 20-მა ავიაკომპანიამ უპასუხა, რომ ისინი მზად არიან რეგულარული ფრენები შეასრულონ სომხეთში. შეიძლება არსებობდეს კომპანიები, რომლებიც მცირე დინების გამო უახლოეს მომავალში გააგრძელებენ ჩარტერულ ფრენებს”, – თქვა სტეპან ფაიასიანმა. შეგახსენებთ, რომ სომხეთში საკარანტინო რეჟიმთან დაკავშირებით შეიტანეს ცვლილებები. საზღვარგარეთ მყოფ მოქალაქეებს, რომელთაც არ სურთ 14 დღის განმავლობაში კარანტინის გავლა, შეუძლიათ ადგილზე გაიარონ ტესტირება და მათი პასუხები მიიღონ  ერთი დღის განმავლობაში. თუ ისინი უარყოფითი იქნება, არ გაივლიან კარნტინს. სომხეთი აეროპორტში 20 ტესტირების  პუნქტის გახსნას გეგმავს.