,,News.am” წერს, რომ 5 ოქტომბერს სომხეთის საგარეო საქმეთა მინისტრმა ზოჰრაბ მნაცაკანიანმა სატელეფონო საუბარი გამართა საფრანგეთის საგარეო საქმეთა მინისტრთან ჟან-ივ ლე დრიანთან.
საგარეო საქმეთა მინისტრებმა ისაუბრეს მთიანი ყარაბაღის კონფლიქტის ზონაში ბოლო დროს განვითარებულ მოვლენებზე. ამასთან დაკავშირებით, მინისტრმა ზორაბ მნაცაკანიანმა აცნობა კოლეგას აზერბაიჯანის მიერ დიდი დასახლებების, მშვიდობიანი მოსახლეობისა და მშვიდობიანი მოსახლეობის ინფრასტრუქტურის განზრახ დაბომბვის შესახებ.
სომხეთის საგარეო საქმეთა მინისტრმა მკაცრად დაგმო აზერბაიჯანის სამხედრო-პოლიტიკური ხელმძღვანელობის ქმედებები, რასაც თან ახლავს საერთაშორისო ჰუმანიტარული კანონის უხეში დარღვევები.
საგარეო საქმეთა მინისტრმა ღრმა შეშფოთება გამოთქვა აზერბაიჯანის მიერ დაწყებულ საომარ მოქმედებებში აზერბაიჯანის მხარეზე თურქეთის დახმარებით ახლო აღმოსავლეთიდან გადაყვანილი უცხოელი შეიარაღებული ტერორისტების უშუალო მონაწილეობის გამო, რაც იწვევს რეგიონალური უსაფრთხოების და მშვიდობის დარღვევას.
ორივე მხარემ ხაზი გაუსვა საომარი მოქმედებების დაუყოვნებლივ შეწყვეტის აუცილებლობას და ამ მიმართულებით აუცილებელი ნაბიჯების გადადგმას ეუთოს მინსკის ჯგუფის თანათავმჯდომარეების ფარგლებში.
