საფრანგეთი არ აპირებს ყარაბაღის კონფლიქტის მოგვარების საკითხში დათმოს თავისი როლი მინსკის პროცესში. ამის შესახებ რესპუბლიკის საგარეო საქმეთა მინისტრმა ჟან-ივ ლე დრიანმა საფრანგეთის ეროვნული ასამბლეის საგარეო ურთიერთობათა კომიტეტის სხდომაზე სიტყვით გამოსვლისას განაცხადა.
აზერბაიჯანის აგრესიის დაწყების შემდეგ, მთიან ყარაბაღში, 27 სექტემბერს, თურქეთმა არაერთხელ განაცხადა, რომ ეუთოს მინსკის ჯგუფმა ამოწურა შესაძლებლობები და რომ ანკარა უნდაგახდეს მოლაპარაკებებში შუამავალი.
”ჩვენ არ ვაპირებთ უარის თქმას ჩვენს როლზე ეუთოს მინსკის ჯგუფის ფარგლებში”, – თქვა მან.
მან აღნიშნა, რომ მუდმივ კონტაქტშია სომხეთის პრემიერ მინისტრ ნიკოლ ფაშინიანთან და მის კოლეგასთან, სომხეთის საგარეო საქმეთა მინისტრთან ზოჰრაბ მნაცაკანიანთან.
”ბოლოს და ბოლოს, სამივე ჩვენგანის, სამი შუამავლის (რუსეთი, საფრანგეთი, აშშ) ბრალია ის, რომ სომხებსა და აზერბაიჯანელებს არ ჰქონდათ საგნობრივი მოლაპარაკებები. სასწრაფოდ უნდა დაიწყოს მოლაპარაკებები ტერიტორიებზე. რადგანაც აქ არის მთიანი ყარაბაღის ტერიტორია, ასევე არსებობს მიმდებარე რეგიონების ტერიტორია”, – თქვა დრიანმა.
ამავე დროს, მან ხაზი გაუსვა, რომ საგარეო ძალები არ უნდა ჩაერიონ მოლაპარაკებებში. დრიანის თქმით, იგი გულისხმობდა თურქეთს, რაც საფრანგეთის საგარეო საქმეთა სამინისტრომ არა ერთხელ განაცხადა.
მინისტრმა ხაზი გაუსვა, რომ თურქეთის ინტერვენცია უნდა შეწყდეს, უნდა შეწყდეს აზერბაიჯანისთვის შეიარაღების მიწოდება, კონფლიქტის ზონაში გადაყვანილი სირიელი დაქირავებულები უნდა გაიყვანონ, რის შესახებაც ფაქტობრივი მტკიცებულებები გვაქვს.
”ეს არის საუკეთესო რამ, რისი გაკეთებაც შეგვიძლია კონფლიქტის მოსაგვარებლად”, – დაასკვნა მან.
დღეს დრიანმა განაცხადა, რომ 8 ოქტომბერს და 12 ოქტომბერს ჟენევაში დაგეგმილია მოლაპარაკებები არცახის საკითხთან დაკავშირებით.
