დამყარდება დროებითი ზავი: დასრულდა სომხეთისა და აზერბაიჯანის საგარეო საქმეთა მინისტრების შეხვედრა

მოსკოვშიდასრულდა სომხეთისა და აზერბაიჯანის საგარეო საქმეთა მინისტრების ზოჰრაბ მნაცაკანიანისა და ჯეიჰუნ ბაირამოვის შეხვედრა.

კონსულტაციები არცახში არსებულ ვითარებასთან დაკავშირებით გაიმართა რუსეთის საგარეო საქმეთა მინისტრის მისაღებ სახლში, რუსეთის საგარეო საქმეთა მინისტრის სერგეი ლავროვის მონაწილეობით.

როგორც რუსეთის საგარეო საქმეთა მინისტრმა სერგეი ლავროვმა ჟურნალისტებს განუცხადა  10 საათზე მეტი ხნის შეხვედრის შემდეგ, მხარეები შეთანხმდნენ შემდეგ ნაბიჯებზე.

1) 2020 წლის 10 ოქტომბრის 12:00 საათიდან გამოცხადდება  ზავი  ჰუმანიტარული მიზნებისთვის სამხედრო ტყვეების, სხვა დაკავებულთა და ცხედრების  გაცვლის შესახებ წითელი ჯვრის საერთაშორისო კომიტეტის სტანდარტების შესაბამისად.

2) დამატებით შეთანხმებული იქნება ცეცხლის შეწყვეტის რეჟიმის კონკრეტული კრიტერიუმები;

3) სომხეთის რესპუბლიკა და აზერბაიჯანის რესპუბლიკა ეუთოს მინსკის ჯგუფის თანათავმჯდომარეების შუამავლობით აწარმოებს არსებით მოლაპარაკებებს მოწესრიგების ძირითადი პრინციპების საფუძველზე, რაც შეიძლება მალე მიაღწიონ მშვიდობიან მოგვარებას;

4) მხარეები ადასტურებენ მოლაპარაკებების პროცესის უცვლელობას.

აღსანიშნავია, რომ შეხვედრა დაიწყო დაახლოებით 17:30 საათზე და გაგრძელდა 10 საათზე მეტ ხანს, საათზე მეტი ინტერვალით. მოლაპარაკებების დაწყებიდან ერთი საათის შემდეგ, აზერბაიჯანის დროშით ავტომანქანებმა  დატოვეს  მისაღები სახლი  და გარკვეული დროის შემდეგ დაბრუნდნენ.