რუსეთის პრეზიდენტის ვლადიმერ პუტინის მოწოდების საფუძველზე, 9 ოქტომბერს მოსკოვში მიიღეს ერთობლივი განცხადება სომხეთის საგარეო საქმეთა მინისტრის ზოჰრაბ მნაცაკანიანის, აზერბაიჯანის საგარეო საქმეთა მინისტრის ჯეიჰუნ ბაირამოვისა და რუსეთის საგარეო საქმეთა მინისტრის სერგეი ლავროვის კონსულტაციების შემდეგ.
ამ განცხადებით მხარეებმა დაადასტურეს თავიანთი ვალდებულება 2020 წლის 10 ოქტომბრის 12:00 საათიდან ცეცხლის შეწყვეტაზე ჰუმანიტარული მიზნებისთვის სამხედრო ტყვეების, სხვა დაკავებულთა და დაღუპულთა გაცვლის შესახებ, წითელი ჯვრის საერთაშორისო კომიტეტის შუამავლობით, და ამ უკანასკნელის კრიტერიუმების შესაბამისად.
მაგრამ, დაარღვია რა ნაკისრი ვალდებულება, აზერბაიჯანმა განაგრძო საბრძოლო მოქმედებები ფრონტის სხვადასხვა ნაწილში. დარტყმები იქნა მიყენებული სომხეთის რესპუბლიკის სიუნიკის რაიონის დასახლებებზე.
აზერბაიჯანის არმიის პროვოკაციულ ქმედებებს ახლავს პოლიტიკური განცხადებები, რომელთა ინტერპრეტაცია სხვაგვარად არ შეიძლება, ვიდრე აზერბაიჯანი არღვევს ცეცხლის შეწყვეტის შესახებ შეთანხმებას.
აზერბაიჯანულმა მხარემ თავისი პოლიტიკის დასაფარად ან გასამართლებლად დაიწყო დეზინფორმაციის გავრცელება, ყალბი ბრალდებების გავრცელებით, რომ სომხეთის რესპუბლიკის შეიარაღებულ ძალებს ცეცხლის ქვეშ ჰყავთ მოქცეული დასახლებები და ფრონტის ხაზი.
ჩვენ მკაცრად ვგმობთ აზერბაიჯანის მოქმედებას, რომელიც მიზნად ისახავს ცეცხლის შეწყვეტის შესახებ შეთანხმების ჩაშლას; ვაფრთხილებთ, რომ ვითარების სრული პასუხისმგებლობა ეკისრება თურქეთის მფარველობის ქვეშ მყოფ აზერბაიჯანის ხელმძღვანელობას.
