მოსკოვში რუსეთის საგარეო საქმეთა მინისტრ სერგეი ლავროვთან ორსაათიანი დახურული შეხვედრის დასრულების შემდეგ სომხეთის საგარეო საქმეთა მინისტრმა ზოჰრაბ მნაცაკანიანმა უპირველს ყოვლისა მადლობა გადაუხადა რუსულ მხარეს და განსაკუთრებით მის კოლეგას თბილი მიღებისა და კონსტრუქციული დიალოგისთვის
”ჩვენ გვაქვს მაღალი დონის ურთიერთგაგება ჩვენს დღის წესრიგში არსებულ ყველა საკითხზე, რაც მოწმობს სომხეთ-რუსეთის ურთიერთობებში მაღალი დონის პარტნიორობის არსებობას”, – თქვა მან.
რაც შეეხება არცახის საკითხს, მნაცაკანიანმა,ხაზი გაუსვა, რომ იგი დიდი ხანია აღარ არის ადგილობრივი საკითხი და დღეს იგი საფრთხეს წარმოადგენს რეგიონალური უსაფრთხოებისათვის.
”იმას, რასაც დღეს მთიანი ყარაბაღის ჩვენი თანამემამულეებიგახდნენ მომსწრე, არის ეგზისტენციალური საფრთხე, რომელიც ათწლეულების განმავლობაში მომწიფდა. 27 სექტემბრიდან დღემდე, აზერბაიჯანის სამხედრო-პოლიტიკური ხელმძღვანელობა ახორციელებს მასშტაბურ აგრესიას მთიანი ყარაბაღის ხალხის წინააღმდეგ, ამავე დროს აშკარად აჩვენებს მის რეალურ მიზნებს, რაც გამოიხატება მთიანი ყარაბაღის კონფლიქტის სამხედრო გზით მოგვარებში და არცახელი ხალხის განადგურებაში. ”აზერბაიჯანის გენოციდური ქმედებები არ განასხვავებენ მშვიდობიან მოსახლეობას და სამხედროებს, უფრო მეტიც, ისინი მიზნში იღებენ უფრო მეტად მშვიდობიან მოსახლეობას”, – თქვა მან.
მნაცაკანიანმა ხაზი გაუსვა, რომ აზერბაიჯანის მხრიდან განზრახ და მიზანმიმართული თავდასხმების სამიზნე გახდა არცახის რესპუბლიკის 120-ზე მეტი სამოქალაქო დასახლება, რომლის მახლობლად არცერთი სამხედრო ობიექტი არ იყო განთავსებული. და ეს, მისი თქმით, სამხედრო დანაშაულის ტოლფასია.
”აზერბაიჯანის შეიარაღებული ძალების განურჩეველი დარტყმების შედეგად, მათ შორის უპილოტოების გამოყენებით, თურქეთის ავიაციის მხარდაჭერით, მძიმე არტილერიის, სატანკო და საარტილერიო დანაყოფების გამოყენებით, მშვიდობიან მოსახლეობას აქვს მრავალი მსხვერპლი. აზერბაიჯანის მიერ გამოყენებულ საკასეტო იარაღს შედეგად მოჰყვა უამრავი მსხვერპლი და დაჭრილი”, – თქვა მნაცაკანიანმა.
საუბრისას შუშის ღაზანჩეცოცის მაცხოვრის სახელობის ეკლესიის დაბომბვაზე, სომხეთის საგარეო საქმეთა მინისტრმა ხაზი გაუსვა, რომ ეს ქმედება განსაკუთრებული ბარბაროსობით და საერთაშორისო კონვენციების დარღვევით გამოირჩეოდა. მნაცაკანიანმა შეახსენა, რომ ეკლესიის დაბომბვის შედეგად დაშავდნენ იმ მომენტში იქ მყოფი ჟურნალისტები, რომლებიც აზერბაიჯანელებმა სპეციალურად ამოიღეს მიზანში.
”მოტანილი ფაქტები მოწმობს განადგურების საშიშროების შესახებ, რაზეც ჩვენ უკვე ათწლეულებია ვსაუბრობთ და რომელსაც რეგულარულად აწყდება არცახის მოსახლეობა. ”ეს საფრთხე ამ ეტაპზე კიდევ უფრო გაღრმავდა კიდევ ორი გარემოების გამო: ერთია თურქეთის უშუალო მონაწილეობა და თურქეთის მიერ საერთაშორისო ტერორისტების გადმოყვანა სირიიდან და ლიბიიდან”, – თქვა მან.
მნაცაკანიანმა ხაზი გაუსვა, რომ ტერორისტების სამხრეთ კავკასიაში გადაყვანა საფრთხეს უქმნის ტერორიზმის ზრდას და ძალადობას არა მხოლოდ ამ რეგიონში, არამედ მის ფარგლებს გარეთაც.
”ახლა ჩვენ უნდა შევაჩეროთ საომარი მოქმედებები, ამაში რუსეთის როლი ძალიან მნიშვნელოვანია”, – თქვა მნაცაკანიანმა.
მადლობა გადაუხადა რუსეთის პრეზიდენტს ვლადიმერ პუტინს და საგარეო საქმეთა მინისტრ სერგეი ლავროვს მთიანი ყარაბაღში ჰუმანიტარული ცეცხლის შეწყვეტის შესახებ შეთანხმების მიღწევისთვის, მნაცაკანიანმა ასევე აღნიშნა, რომ შეთანხმება ამჟამად არ არის ძალაში და აზერბაიჯანი განაგრძობს ცეცხლის შეწყვეტის ვალდებულებების დარღვევას“.
”სომხეთი იყო და რჩება მოლაპარაკებების გზით მშვიდობიანი დარეგულირების მკაცრი მიმდევარი“,- აღნიშნა სრ საგარეო საქმეთა მინისტრმა.
