ყარაბაღში გააფთრებული ბრძოლები მიმდინარეობს, ორივე მხარეს ბევრი მსხვერპლი ჰყავს. ამის შესახებ სომხეთის რესპუბლიკის პრემიერ-მინისტრმა ნიკოლ ფაშინიანმა განაცხადა აზერბაიჯანის პრეზიდენტ ილჰამ ალიევის პარალელურად საერთაშორისო ამბების სააგენტოს “Russia Today” დირექტორ დიმიტრი კისელიოვთან მიცემულ ინტერვიუში.
”ბევრი ექსპერტი ამბობს, რომ ეს არის უპრეცედენტო ომი XXI საუკუნეში, რადგან მასში მონაწილეობს ყველა სახის იარაღი – ტანკები, უპილოტო მფრინავი აპარატები, თვითმფრინავები, ვერტმფრენები, ჯავშანტექნიკა, არტილერია, სარაკეტო სისტემები და ა.შ. ”და მრავალი სამხედრო და ჯარი მონაწილეობს საომარ მოქმედებებში”, – აღნიშნა სომხეთის პრემიერ-მინისტრმა.
მან ხაზი გაუსვა, რომ მიმდინარეობს ფართომასშტაბიანი და სასტიკი ბრძოლები, მაგრამ ამჟამად ყარაბაღის არმიას შეუძლია თავდაცვის უზრუნველყოფა.
”სინამდვილეში, შეგვიძლია ვთქვათ, რომ თურქეთისა და აზერბაიჯანის გეგმები მთიანი ყარაბაღის კონტროლი ბლიცკრიგის საშუალებით ჩაიშალა”, – აღნიშნა ფაშინიანმა.
