ეს ომი არის ყარაბაღის სტატუსისთვის, მას შეუძლია გადაჭრას სტატუსის საკითხი, თუ ომში წარმატება დაფიქსირდება, – ამის შესახებ ფეისბუქის საკუთარ გვერდზე დაწერა პრემიერ-მინისტრმა ნიკოლ ფაშინიანმა.
«1. რისთვის არის ეს ომი? ყარაბაღის სტატუსისთვის.
2. შეიძლებოდა თავიდან აგვეცილებინა ეს ომი? დიახ, თუ გადავცემდით ტერიტორიებს და დავთანხმდებოდით ყარაბაღის გაურკვეველ სტატუსზე, განუსაზღვრელი ვადით, სტატუსის შემდგომი კორექტირების მექანიზმის არარსებობის პირობებში.
3. შეგვეძლო მოლაპარაკებების გზით მიგვეღწია ყარაბაღისთვის მისაღებ ან რაიმე სტატუსამდე? არა, რადგან ამის ბოლო შესაძლებლობა 2011 წელს იყო ყაზანში.
4. შეგვიძლია შევაჩეროთ ეს ომი? თეორიულად, დიახ, მე -2 პუნქტში აღნიშნული ოდნავ უარესი ფორმულირებით.
5. შეუძლია ომს ყარაბაღის სტატუსის მოგვარება? დიახ, თუ ომში წარმატებას მივაღწევთ.
6. შეიძლება თუ არა წარმატების მიღწევა ომში? ”დიახ, თუ ჩვენ ეროვნულ პოტენციალს ამ მიზნის გარშემო შევკრებთ და გულწრფელად და თავგანწირულად გავერთიანდებით ამ მიზანით”, – წერს პრემიერ-მინისტრი.
