სახელმწიფო დუმის დსთ და ევრაზიული ინტეგრაციის კომიტეტის თავმჯდომარის მოადგილე, კონსტანტინე ზატულინი არ გამორიცხავს, რომ მთიან ყარაბაღში არსებულ ვითარებასთან დაკავშირებით რუსეთისთვის რეაგირების ერთ – ერთი ვარიანტი შეიძლება იყოს სადესანტო ოპერაცია. როგორც “არმენპრესი” იტყობინება “რია-ნოვოსტი”-ზე დამოწმებით, ზატულინმა აღნიშნა, რომ რეგიონში მშვიდობა დაარღვიეს აზერბაიჯანმა და თურქეთმა, ამიტომ მათ უნდა შეახსენონ “რომელი ქვეყანა რჩება ლიდერი პოსტსაბჭოთა სივრცეში”. ამავე დროს, მან აღიარა, რომ დარწმუნებული არ არის, როგორ უნდა მოიქცეს მოსკოვი, მაგრამ შესაძლო ვარიანტად ახსენა სადესანტო ოპერაცია.
”სომხეთის სამხედრო პოტენციალის დემონსტრაციული გაძლიერების სახით. კუხო– სთვის მიმართვის სახით, სადესანტო ოპერაციების საშუალებით სომხეთის ტერიტორიის, არა მთიანი ყარაბაღის, არამედ სომხეთის დასაცავად ზომების მიღების აუცილებლობის გამო. საჰაერო ბლოკადის გახსნის მეშვეობით. ჩვენ მკაფიოდ უნდა ავუხსნათ საქართველოს, რომ საჭიროების შემთხვევაში მან მშვიდად უნდა მიიღოს, რომ სომხეთში მისი საჰაერო სივრცის საშუალებით უნდა გაიგზავნოს საჭირო ძალები და საშუალებები. ეს გადაწყვეტილება იძულებითია, რადგან საქმე ეხება ბოევიკების გავრცელებას კავკასიის მასშტაბით, რომლისგანაც დაზარალდება როგორც რუსეთი, ასევე საქართველო და ყველა დანარჩენი. საფრთხე ემუქრება სომეხი მოსახლეობის დიდ მასას, რომელსაც ისტორიულად ახსოვს გენოციდი ამ ტერიტორიაზე. ჩვენ ნაბიჯები უნდა გადავდგათ”, – აღნიშნა კონსტანტინე ზატულინმა.
მან დასძინა, რომ რუსეთმა საქართველოს უნდა აუხსნას, რომ “სომხეთში მისი საჰაერო სივრცის საშუალებით გაიგზავნება საჭირო ძალები და საშუალებები”.
