სომხეთის პრემიერ-მინისტრმა ნიკოლ ფაშინიანმა გააცნო აზერბაიჯანის პოზიცია, რომლის თანახმადაც თურქეთი უნდა იყოს ჩართული მთიანი ყარაბაღის სამშვიდობო პროცესში. როგორც “არმენპრესი” იუწყება, “ინტერფაქსთან” საუბრისას ფაშინიანმა აღნიშნა, რომ ეს ძალიან უცნაური პოზიციაა. ”ვინაიდან მოსკოვში რუსეთის, სომხეთისა და აზერბაიჯანის საგარეო საქმეთა მინისტრებმა მიიღეს განცხადება, სადაც ნათლად იქნა ნათქვამი, რომ ეუთოს მინსკის ჯგუფის თანათავმჯდომარეობის ფორმატი არ შეიცვლებოდა. მოლაპარაკებები უნდა გაგრძელდეს ამ ფორმატით. ხომ ვამბობ, რომ აზერბაიჯანი ყოველ ჯერზე იცვლის პოზიციას? ეს საკითხი მოსკოვში ერთობლივ განცხადებაში იქნა შეთანხმებული, მაგრამ ორი დღის შემდეგ აზერბაიჯანმა კიდევ ერთხელ გაიმეორა, რომ თურქეთი უნდა იყოს ეუთოს მინსკის ჯგუფის თანათავმჯდომარე. ჩანდა, რომ საკითხი გადაწყდა, იყო განცხადება, საკითხი დახურულია, მაგრამ ის ხელახლა იხსნება. ”ამ სიტუაციაში როგორ არის შესაძლებელი ამ სამუშაოს ეფექტურად განხორციელება, როდესაც აზერბაიჯანი ყოველ წუთს ცვლის უკვე შეთანხმებულ პოზიციებსა და საკითხებს”, – აღნიშნა პრემიერ-მინისტრმა.
